May Galing si de la Rosa Pero Mas Marami siyang Kahinaan

May Galing si de la Rosa

Pero Mas Marami Siyang Kahinaan

Ni Apolinario Villalobos

 

Hindi dahilan ang pagiging para-militaristic na pagkapulis upang sabihing hanggang katapangan lang ang dapat ipakita ni de la Rosa. Mali ang pinagpipilitan niyang ibalik ang militaristic training ng mga pulis upang maging disiplinado. Ang disiplina ay nasa pagkatao. Bakit ang mga Hapon na hindi naman nadisiplina ng military ay disiplinado?

 

Ang mga napansin ko kay de la Rosa kaya ko nasabing marami siyang kahinaan:

 

  • Masyado siyang ma-PR at masosyal. Nagkaroon siya ng imahe na respetado kaya hindi na niya kailangang magpa-OA sa pakikipagsosyalan dahil hindi naman siya artista. Mas okey sana kung ang pinapakita niya ay ang pagiging approachable niya pero dapat ay business-like ang kanyang stance, hindi palakuwento ng mga bagay na hindi naman itinatanong sa kanya dahil pati si Duterte ay nalalagay sa alanganin.

 

  • Matapang siya sa mga adik pero hindi sa mga kasama niyang pulis maski alam na pala niyang mga tiwali, kaya wala siyang ginawa. Unti-unti nang nakikita ang epekto ng hindi pagtanggal sa mga tiwaling pulis na lalo pang nagkaroon ng mas malakas na loob dahil sa paulit-ulit na pagsabi nila ni Duterte ng suporta sa mga tiwaling ito.

 

  • Hindi tanga ang taong bayan upang hindi malaman na talagang may mga pulis na nangongotong at nagtatanim ng ebidensiya, pero hanggang sa hearing sa pagpatay sa Koreano ay kunwari pang nagulat si de la Rosa nang sabihan siya nito. Pero, inamin din niya bandang huli na alam niyang mga mga tiwaling pulis sa kanilang hanay. Sa kabila niyan ay hindi niya pinagtatanggal.

 

  • Sobra ang pakisama niya sa LAHAT ng mga pulis pati sa mga alam na pala niyang tiwali upang ipakita ang suporta nila ni Duterte sa kabuuhan ng PNP. Ang pinapakita nila ang nagpapalakas ng loob ng mga tiwali kaya sinasabayan nila ang ginagawang “operation tokhang” na nasira na at hindi pinapaniwalaan ng taong bayan, kahit may maganda itong layunin.

 

  • Palagi niyang ginagamit ang hindi na pinapaniwalaang “isolated case” bilang dahilan tuwing may pulis na nireklamo. Itigil na niya dapat ito dahil ginagawa niyang tanga ang taong bayan.

 

  • Hindi magandang pakinggan ang sinasabi niyang wala pang 1% ng kabuuhan ng PNP ang bilang ng mga masasama o tiwaling pulis. Ganoon pala kaliit, bakit hindi niya pagtatanggalin dahil obvious na hindi naman pala makakaapekta sa operasyon ng PNP.

 

  • Hindi rin magandang pinaparatang niya sa mga “rookies” o baguhang pulis ang mga katiwalian dahil kitang-kita naman na hindi bababa sa rangkong “PO2” ang mga iniimbistigahan ngayon.

 

  • Puro siya salita at pasosyal wala siyang “management skill” na kailangan para sa isang namumuno ng ahensiya ng gobyerno, military man o civilian….ang ganyang skill ay nangangailangan ng talino.

 

Marami akong alam na mga taong naging manager pero kulang sa talino kaya apektado ang kanilang management skill….pero dahil marunong makisama sa mga tauhan at sumipsip sa mga nakakataas sa kanila, tuloy pa rin ang kanilang promotion. Ang teknik nila ay kumuha ng mga marurunong na tauhan upang asahan sa paggawa ng analysis at pag-interpret nito sa mga memo at project studies. Magaling sila sa PR kaya mahal sila ng mga nakakakilala sa kanila….yon lang.

 

Ang mga suggestion ko:

  • Magtrabaho siya ng tahimik at pukpukin ang NAPOLCOM upang bilisan ang mga pagsisiyasat.

 

  • Magbigay siya ng deadline kung kaylan dapat matanggal ang mga pulis na tiwali.

 

  • At, huwag ipatapon sa Mindadano ang mga tiwaling pulis dahil hindi nito kailangan ang mga basura ng Maynila!

 

Si de la Rosa at ang 6 na Taon ni Duterte Bilang Presidente

Si de la Rosa at ang 6 na Taon

Ni Duterte Bilang Presidente

Ni Apolinario Villalobos

 

Hindi natanggal sa hanay ng kapulisan ang noon ay pinatututsadahan ni Duterte na mga “ninja police” sa Manila na bubuwagin daw niya pag-upo bilang presidente. Takot kaya sina de la Rosa at Duterte na masabotahe ng mga pulis na nasa iba’t ibang bahagi ng Manila ang programa laban sa droga kaya sobra ang bait nila sa mga kapulisan? Ang problema ng dalawa ay wala ni isa man lang na tiwaling pulis ang natanggal sa kabila ng mabibigat na ebidensiya laban sa kanila, tulad nang nangyaring pagpatay ng mag-asawa sa Antipolo, at ang itinuro ng mga anak na mga suspek ay mga pulis-Antipolo.

 

Sinasabi din ni de la Rosa na iniimbistegahan ang mga suspek na pulis, pero sila ay parang pinagbakasyon lang sa Crame sa tinatawag nilang “holding office” ng PNP. Ang NAPOLCOM naman na nag-iimbistiga ng mga kaso ay wala pang inilalabas na resulta. At ang gusto pang palabasin ng tagapagsalita ng PNP ay isang “isolated case” lang kuno ang pinakahuling nakakahiyang kasong nagsasangkot kay Sta. Isabel, at hindi dapat isiping kumakatawan sa buong kapulisan. Malabong paniwalaan ang sinabi niya dahil sa dami na ng mga kasong naipon.

 

Matuloy man o hindi ang federal na gobyerno,  bababa sa puwesto si Duterte mula sa Malakanyang pagkalipas ng 6 na taon at siguradong mamamayagpag na naman ang mga tiwaling pulis. Ngayon pa lang ay naghuhugas na ng kamay si Duterte kung mamayagpag uli ang droga pagbaba niya, dahil palagi niyang sinasabi na “hindi niya papayagan ito sa kanyang panahon”. Ibig sabihin ay wala siyang pakialam kung kakalat uli ang bisyo pagkatapos ng kanyang termino. Ang mga drogang itinago lang ay pwede na uling ibenta. Hindi mararamdaman ang bilis na pag-usad ng panahon kaya magugulat na lang ang bayan kung ang 6 na taong termino ni Duterte ay tapos na pala! Subalit anong pagbabago ang mangyayari sa loob ng 6 na taon kung ang DOJ ay mahina at ang imahe ng PNP ay unti-unting nadudurog?…at ang ibang mga itinalaga niya sa puwesto ay nasangkot na agad sa mga katiwalian?

 

Hindi dapat nakipag-kompromiso si Duterte sa BUONG hanay ng kapulisan upang masiguro na maganda ang kalalabasan ng programa niya laban sa droga. Dahil sa ginawa niya ay hindi nagalaw ang mga tiwali. Pareho lang naman ang tapang ng mga bagong pulis at ng mga datihan kung katapangan ang kailagan niya upang maging epektibo ang “operation tokhang” kaya dapat ay hindi siya manghinayang na patalsikin ang mga datihang pulis na bistadong tiwali. Dahil sa pinapakita ni Duterte na kapanalig siya ng mga pulis sa LAHAT na gagawin nila sukdulan mang makapatay para sa kanilang self-defense, lumakas ang loob ng mga tiwali na ipagpatuloy ang masama nilang ginagawa na ang pantakip ay ang “tokhang”. Malinaw na inabuso ng mga tiwaling pulis ang tiwalang ibinigay sa kanila ng presidente.

 

Kung wawariin, ang mga sangkot sa mga katiwalian ay mga datihan nang pulis kaya nangangahulugang malalim ang pagkaugat ng kasamaan nila. Hindi dapat palaging sabihin na kaya sila gumagawa ng masama ay dahil sa liit ng suweldo. Kung naliliitan sila sa suweldo nila, dapat ay mag-resign sila at pumasok bilang personal security ng mayayaman. Marami na rin ang nakapansin na parang pinaglalaruan lang si de la Rosa ng mga datihang pulis na may mataas na puwesto. Hindi siya ina-update sa mga nangyayari. Nagugulat na lamang siya kung makarinig ng mga balita o matanong sa interbyu, na ang pinakahuling insidente ay tungkol kay Sta. Isabel. Palagi tuloy siyang nalalagay sa nakakahiya at alanganing kalagayan….at napapagtawanan!

 

Hindi dapat maghimutok si de la Rosa kung marinig ang mga panawagang mag-resign na siya upang mailigtas sa kahihiyan ang presidente. Marami ang nadismaya sa kanyang pagpoporma na matapang pero hanggang salita lang daw pala kung interbyuhin siya. Alam din pala niyang may mga butas ang sistema ng NAPOLCOM lalo na sa pag-imbestiga ng mga pulis na inaakusahan, kaya dapat ay may ginawa na siyang mga hakbang upang mapasakan ang mga ito at maituwid ang dapat ituwid.

 

Sa paglipat ng kustodiya kay Sta. Maria mula sa NBI patungo sa PNP, gusto na naman daw kausapin ni de la Rosa si Sta. Isabel….para ano pa? Ang dapat niyang kausapin ay ang mga pulis na kasama ni Sta. Isabel at nagtuturo sa kanya na nanguna sa pagkidnap at pumatay mismo sa Koreano. Naisahan na naman ni Sta. Isabel ang PNP dahil bago siya inilipat sa Crame ay nakagawa na ito ng statement sa NBI at malamang ay tinulungan pa ng mga kaalyado niya doon upang makagamit siya ng mga teknikal na palusot. Tulad ng dati, nakanganga na naman ang PNP Chief sa kawalan ng magagawa! Kahit may itinuturo pa si Sta. Isabel, wala nang magagawa si de la Rosa kundi hintayin na naman ang resulta ng administrative investigation na gagawain ng makupad na NAPOLCOM. Kung gagawa daw kasi ng desisyon, UNFAIR SA MGA INAAKUSAHAN….TALAGA?!!!!

 

Dapat ay pilitin si de la Rosa na maglabas ng imbentaryo o listahan ng mga kasong hawak ng NAPOLCOM mula noong umupo si Duterte, na may kinalaman sa “tokhang” at lalong mabuti kung maisama ang mga namana mula sa mga nagdaang administrasyon. Sa pamamagitan niyan ay malalaman kung talagang nagtatrabaho ang NAPOLCOM bilang pagpapakita na nakikipagtulungan ito kay Duterte o talagang makupad lang sa pagkilos. Kung wala ni isa mang kaso silang natuldukan, may malaking problema si de la Rosa at Duterte!…napapaglaruan sila ng inaakala nilang mapapagkatiwalaan nila!….sa uulitin, napakabilis ang pag-usad ng panahon kaya ang 6 na taon ay mapapagtiyagaang tiisin!

 

NADADAMAY KAYA KAWAWA ANG MGA MABUBUTING PULIS SA MGA GINAGAWA NANG MGA TUMANDA NA SA PNP PERO NAGKASUNGAY NAMAN!

Ang Mga Pulis na Ipinadala at Ipapadala sa Mindanao

ANG MGA PULIS NA IPINADALA

AT IPAPADALA SA MINDANAO

Ni Apolinario Villalobos

 

Ayon sa Philippine National Police, ang mga pinadalang mga pulis at mga ipapadala pa sa Mindanao ay magiging “support” lang daw ng mga taga-roon sa kanilang operation sa pagtugis sa Abu Sayyaf. Mukhang hindi yata maganda ang dating ng ganitong pahayag dahil noon, ang pagpapadala sa Mindanao ay banta ni de la Rosa sa mga tiwaling pulis-Maynila…kaya lumalabas na isang uri ng kaparusahan upang sila ay magbago. Kung hindi sila isasabak sa regular na mga gawain tulad ng operasyon laban sa Abu Sayyaf, lalabas na para lang silang pinagbakasyon, kaya siguradong may maririnig na mga reklamo mula sa mga taga-roong kapulisan na siyang gagawa ng mga “dirty works”.

 

Ang impresyon sa mga pulis-Maynila ay hindi daw sila lumalabas sa initan. Ang iba nga daw ay nahuli pang naglalagay ng “foundation” sa mukha. At, ayon pa rin kay de la Rosa, ang sukatan para malaman kung nagtatrabaho ang isang pulis ay ang kanyang kulay, dahil kung ang balat ng pulis ay may kutis na mala-porselana, ibig sabihin ay nasa loob lang ito ng opisina o di kaya ay nasa lilim kung sakaling nasa “labas” o field. At, dahil naggagalaiti si de la Rosa sa mg “ninja” –  mga pulis Maynila na sangkot sa droga,  sila raw ang mga uunahin. Subali’t bakit bigla yatang nagkaroon ng tono ang mga sinasabi ng PNP?

Shabu…the poor man’s cocaine

SHABU…the poor man’s cocaine

By Apolinario Villalobos

 

 

The popularity of shabu as the “poor man’s cocaine” is deeply entrenched in the Philippines.  Cocaine is from a certain plant called “coca” (erythroxylum coca) that for thousands of years has been used by the natives of South America due its substance that could stimulate pleasure, aside from its use as medicine. The insurmountable extent of its influence today is such that it has created millionaires, aside from wrecking the future of the youth and brought havoc to many homes. It was banned in the United States as early as 1914.

 

The initial “extract” or cocaine base is crudely coaxed from the freshly harvested leaves that are mixed with lime, gasoline, and ammonia, and trod on for about four days in a vat. The “base” is then refined by a larger “laboratory” using acetone, ether, and hydrochloric acid to form crystalline powder or cocaine hydrochloride. In this form, the drug is smuggled throughout the world, including the Philippines via transit points.

 

Medically, cocaine is used as a local anesthesia due to its ability to block the conduction of feelings by the nerve, aside from constricting blood vessels during an operation. The leaves are still chewed by the natives of the Andes using age-old contraption for the lime powder that lessens the bitterness of the juice. Archaeological digs also showed the use of coca by the natives of Andes mountain range, as an important offering to the gods, especially, to “Mother Earth”.

 

Many countries fell into to the “coca power” that gave birth to the so-called “narco-politics”. In many countries, not only did it transform obscure personalities into influential millionaires by penetrating the mainstream of the society. In the Philippines, findings lead to the involvement of law-enforcement agents themselves, as well as, lawmakers in this illicit trade. The craving to earn more by trading recycled confiscated drugs out in the streets using “runners” drove some policemen into its trap. It is alleged too, that the election of some politicians into coveted position in the government has been financed by drug lords. But the worst consequence is its invasion of reputable offices, school campuses, and even impoverished homes in slums!

 

The new president, Rodrigo Duterte has mentioned that unless something is done to put a check on this “epidemic”, the Philippines shall be well within its strangling, deathly grip in about seven years. And, by all means, he is doing his best with the able support of the new Philippine National Police chief, Ronald de la Rosa.

 

Personally, I see the duo’s effort as some kind of a political will….that, Filipinos have been expecting from the past leaders.