Mamasapano

Mamasapano
Ni Apolinario Villalobos

Palanas na nadilig ng dugo ng kabayanihan
Dugong umagos mula sa mga ugat ng apatnapu’t apat na SAF
Mga piling-piling pulis na walang dudang matatapang, makabayan
Sa sinumpaang adhikai’y hindi umurong, at animo bakal ang katapatan.

Sa liblib na Tokanalipao ng nasabing bayan
Mga teroristang sina Usman at Marwan, sa kadilima’y tinunton-
Kadilimang pinatindi ng mga paing bomba na ibinaon sa kapaligiran
Subali’t hindi inalintana ng apatnapu’t apat, may tatak ng kabayanihan.

Mga mapalad na nabuhay, puso’y nagngitngit
Bakit wala man lang umalalay sa kanilang nasukol, naghihingalo
May mga armas nga sila, subali’t ibang granada’y hindi nagsisabugan
Kaya pagkadismaya’y nadagdag sa nagngangalit na kanilang naramdaman!

Amerika’y itinuturong may pakana nitong lahat
Maraming pangyayari ang magpapatunay daw, lahat ito’y totoo
May pinalipad pa daw na “drone” kung saan nagkaroon ng bakbakan
Subali’t sa kabila ng mga nangyari ay walang tulong na kanilang inasahan!

Ang presidente ng Pilipinas na tawag nila ay Pnoy
Nasa Zamboanga, umaming umaga pa lang, lahat ay alam na niya
Mga heneral niya, nakapaligid sa kanya, pati si Roxas, kalihim ng DILG –
Ni isa ay hindi nagkibuan kung sino sa kanila ang sa presidente ay nagsabi!

Akala ni Pnoy, tropeo na ang matatanggap niya
Akala, dahil Amerika ang sa lahat ay nagpakana, sa SAF ay nagtulak
Natigalgal siya dahil napatay man si Marwan, kung napatay man talaga
Ngitngit ng bayan ang naging kapalit, na kahit ano ay di kayang magpahupa!

Malaking batik sa kasaysayan ang Mamasapano
Kahihiyan ng isang presidenteng nagmamagaling, kung tawagi’y Pnoy
Dinamay niya ang “dangal” sa pangalang nakadikit sa kanyang pagkatao
Bangunot sa kanya na hindi magpapatahimik kaya tuluy-tuloy ang pagtatago!

Dahil sa Mamasapano, nagkaroon ng katanungan-
Nararapat bang sa MILF ay magbigay ng tiwala sa itatatag na Bangsamoro?
Sila na ba ang kahuli-hulihang grupo na dapat kausapin ng ating pamahalaan –
Upang sa Mindanao ay magkaroon ng inaasam… habang-buhay na kapayapaan?

(The 44 commandos of Special Action Force (SAF) of the Philippine National Police (PNP) were massacred at Tokanalipao, Mamasapano in Maguindanao, on the island of Mindanao, on 28 January, 2015 when they tried to serve the warrant of arrest to two international terrorists, Marwan and Usman who were entrenched in the Moro Islamic Liberation Front (MILF) territory. Purportedly, the USA has a hand in the operation which also points to the president of the Philippines, Noynoy Aquino and suspended PNP Chief Allan Purisima as the ones directly responsible for everything. This has yet, to be proven with the so many investigations going on which many Filipinos believe, will lead to nowhere, as usual.

Meanwhile, Filipinos are now doubtful if MILF can be trusted with the authority to be given them for the creation of a self-governing region, the Bangsamoro, as the group’s leadership is now viewed with incompetence and having a continued cordial relationship with their supposedly breakaway group, the Bangsamoro Islamic Freedom Fighters (BIFF). Prior to the creation of the Bangsamoro, the Bangsamoro Basic Law (BBL) will have yet, to be passed by the Philippine Congress and Senate….and, that is now the primary concern, if the lawmaker will pass it, in view of the massacre of the 44 SAF commandos at Mamasapano.)

May Kaunting Tapang at Kulang sa Anghang ang Talumpati ni Pnoy sa Pagtanggap ng Resignation ni Purisima

May Kaunting Tapang at Kulang sa Anghang
Ang Talumpati ni Pnoy sa Pagtanggap
ng Resignation ni Purisima
ni Apolinario Villalobos

Malinaw na nangibabaw ang personal na utang na loob ni Pnoy kay Purisima kaya mabigat sa kanyang kalooban ang pangtanggap ng resignation nito bilang hepe ng PNP. Sa pag-amin na ito, inihantad ni Pnoy ang kahinaan niya bilang isang lider. Dapat isinaalang-alang niya ang mga responsibilidad niya bilang pangulo bilang una sa lahat ng mga bagay lalo na sa mga personal at utang na loob. Hindi magandang dahilan na kaibigan niya si Purisima kaya ayaw sana niyang bitiwan, dahil pagpapakita ito ng kawalan ng propesyonalismo, lalo pa at siya ang tinuturing na “ama ng bayan”, kaya inaasahang walang kinikilingan.

Binitin na naman niya ang taong bayan dahil hindi niya binanggit kung sino ang papalit kay Purisima. Matagal na niyang alam ang saloobin ng taong bayan laban kay Purisima kaya dapat noon pa man ay nag-iisip na siya o may listahan na siya ng mga pangalan ng taong papalit kung umabot sa puntong tatanggalin na niya ito sa puwesto….na hindi nangyari. Kritikal ang pagkakaroon ng talagang opisyal na papalit kay Purisima, hindi lang bilang pansamantala dahil ang puwesto ay may kaakibat na mabibigat na responsibilidad. Sa pagpapatupad ng mga responsibilidad, malaking bagay at makakapagbigay ng inspirasyon ang permanenteng pagkatalaga sa taong uupo sa puwesto.

Sana noon pa man ay binitiwan na lang ni Pnoy si Purisima bilang opisyal na hepe ng PNP, at ginawa niya itong security consultant kung talagang malaki ang tiwala niya dito bilang kaibigan. Kung nagawa niya yon, sana ngayon ay hindi siya sisinghap-singhap sa lampas ulong pagbatikos ng taong bayan.

Betrayal, Animosity, and Distrust…what’s next after the Mamasapano massacre?

Betrayal , Animosity, and Distrust
…what’s next after the Mamasapano massacre?
By Apolinario Villalobos

Betrayal breeds animosity and distrust. The lesson learned from betrayal that results to fissures in a cordial relationship comes belatedly, always. Also, lessons may not be learned directly, but come as some kind of caution.

In the case of the Mamasapano massacre, it is alleged that past operations of the Philippine National Police SAF to snare the two terrorists, Abdulbasit Usman and Zulkipli Bin Hir alias Marwan went to naught due to suspected leak of information when coordination was made with other agencies. And, there’s also the big question on why the MILF tolerated the presence of the international terrorists in their “territory” that gives a semblance of cuddling. So, how can the PNP be assured that the next operation they shall undertake will not be leaked if the SOP coordination will be made? At the end, the SAF decided to go ahead without the necessary coordination…and the rest of the story is about the tragic massacre!

The only flak of the SAF is allegedly, getting the shots from the suspended PNP Chief Allan Purisima, although, an OIC has already been appointed in his stead. It is insinuated then, that Purisima would like to earn the credit if ever the operation will be successful, to vindicate himself from graft cases filed against him. But, what Purisima forgot to consider is the technical aspect, he, being suspended and therefore, not supposed to be giving orders. So, even if the operation will be successful without a single casualty, for instance, Purisima will stil be slapped with technicalities! Obviously, Purisima was blinded by his greed for glory, and in the process, betrayed the sincerity of the SAF in carrying out their noble duties, if indeed, the allegations are true.

On the other hand, the MILF betrayed the trust of the government while it is sincerely negotiating with the former for a lasting peace in Mindanao, by cuddling the terrorists, practically, protecting them, and playing ignorant to the international clamor for their eradication. Add to that its seemingly maintained good relationship with the BIFF that it purports as a “breakaway” group. The BIFF has been declared by the government as a terrorist group, on the same level with the Abu Sayyaf and the Misuari faction of the MNLF. And, MILF knows for a fact that the government forces are practically scouring nooks and crannies of Mindanao, looking for the said terrorists. Despite such knowledge, the MILF is blind to the hectic effort of the government. And, with regard to the Mamasapano massacre, MILF washes its hands by declaring shamelessly the lack of coordination from the end of the SAF!

THERE COULD HAVE BEEN NO MAMASAPANO MASSACRE, IF ONLY MILF HAS SURRENDERED THE TERRORISTS LONG TIME AGO, YET, AND IT DOES NOT TOLERATE THE PRESENCE OF THE BIFF IN THEIR TURF. CAN THE PHILIPPINE GOVERNMENT, THEN, STILL TRUST THE LEADERSHIP OF THE MILF DESPITE ITS BLATANT DISPLAY OF BETRAYAL OF THE TRUST GIVEN TO THEM? THE MILF LEADERSHIP SHOWED A QUESTIONABLE PROFICIENCY IN CIVIL GOVERNANCE BY ITS INABILITY TO CONTROL ITS MEN WHO COMMITTED BARBARIC ACTS. THE MAMASAPANO MASSACRE PROVED THAT THEY ARE ONLY GOOD FOR COMBATS. HOW CAN THEY BE EFFECTIVE AS CIVILIAN LEADERS IF BANGSAMORO MATERIALIZES? ARE ORDINARY MINADANOANS, BOTH MUSLIMS AND CHRISTIANS ASSURED OF PROTECTION AND FAIR GOVERNANCE? CAN BANGSAMORO PEACEFULLY EXIST WITH TERRORISTS IN ITS MIDST?

IT SHOULD BE NOTED THAT REGRETS, COME ALWAYS AT THE END. THE MORE THAN THREE HUNDRED REBELS TRAINED BY MARWAN AND USMAN ARE ROAMING MINDANAO AND ON THEIR OWN THEY CAN FORM GROUPS OF TERRORISTS/EXTORTIONISTS AND THEIR ACTIVITIES CAN SPILL OVER TO OTHER PARTS OF THE COUNTRY, EVEN ALL OVER ASIA. WHAT WILL STOP INTERNATIONAL TERRORIST GROUPS TO FURTHER STRENGTHEN THESE LOCAL TERRORISTS TO AUGMENT THEIR OPERATION, AS CLEARLY, CONNECTIONS HAVE ALREADY BEEN MADE?

Ang Mga Bagay-bagay Tungkol sa Mamasapano Masaker

Ang Mga Bagay-bagay
Tungkol sa Mamasapano Masaker
Ni Apolinario Villalobos

Ang mga malinaw:

1. Matagal na pala ang teroristang bomb maker sa “teritoryo” ng MILF at ang kasama nito kaya siguradong alam ng MILF.
2. Apatnapu’t-apat ang minasaker at marami pang SAF members ang nasugatan.
3. Maraming sibilyan ang nadamay.
4. Nasa “teritoryo” ng MILF ang BIFF kaya lumalabas na para itong kinakanlong, at ang dahilan ay magkakamag-anak daw ang mga miyembro ng MILF at BIFF.
5. Bago pa masuspinde si Purisima ay alam na nito ang mga detalya tungkol sa kinaroroonan ng mga terorista subalit hindi naibahagi sa hukbong sandatahan ng Pilipinas.
6. Hindi napagsabihan si Mar Roxas bilang kalihim ng DILG.
7. Hindi napagsabihan ang mismong OIC ng PNP.
8. Hindi nakipag-coordinate ang SAF sa MILF sa ginawa nilang operation.
9. Maglulunsad pa ng mga pag-atake ang BIFF na nagsabing hindi sila sasali sa imbestigasyon.

Ang mga katanungan:

1. Bakit hindi hinuli ng MILF at isinurender sa pamahalaan ang mga terorista?
2. Bakit hindi pinapaalis ng MILF ang BIFF na itinuturing ding teroristang grupo, sa “teritoryo nila kahit magkakamag-anak pa ang mga miyembro nila? May ginagawa na bang plano, bilang paghahanda kung napirmahan na ang Bangsamoro Basic Law?
3. Paanong naputol ang koordinasyon na “dapat” sana ay ginawa ng nasibak na hepe ng SAF bago sila nag-operate, kaya tuloy walang alam ang hukbong sandatahan, ang OIC ng PNP at ang kalihim ng DILG?
4. Sino o sinu-sino ang “pumutol” ng koordinasyon?
5. May maganda bang pinangako ang mga “pumutol” sa namumuno ng SAF, kaya ganoon na lang ang sobra-sobrang self-confidence ng nasibak na hepe ng SAF sa interview na ginawa makalipas ang maraming araw pagkatapos ng masaker? Bakit ganoon ka-delay ang interview? Pinag-usapan ba muna ang mga ibibigay na sagot upang may mapagtakpan?
6. Anong ibig sabihin ng ininterbyung taga-sandatahang hukbo ng Pilipinas na parang may kulang sa sinasabi ng “ibang grupo”?…na parang may itinatago?
7. Bakit hindi lumulutang si Purisima upang makatulong sa pagpalinaw ng mga isyu dahil malakas ang ingay sa pagbanggit ng pangalan niya?

Ang mga kawawa:

1. Ang mga pamilya ng mga apatnapu-t apat na miyembro ng SAF at mga nasugatan…ang mga asawang buntis, ang mga batang paslit, ang mga sanggol, etc – lahat sumisigaw sa paghingi ng hustisya.
2. Ang mga nadamay na sibilyan sa pinangyarihan ng masaker.

Ang mga nagmukhang tanga:

1. Si Mar Roxas na kalihim ng DILG.
2. Ang mga taga-hukbong sandatahan ng Pilipinas dahil sinisisi na.
3. Ang OIC ng PNP.

Ang pinagmumukhang tanga ay ang taong bayan….at ang masaya ay MNLF!

Ang Harap-harapang Pagsisinungaling…daw ni Purisima sa Senado

Ang Harap-Harapang Pagsisinungaling

…Daw ni Purisima Sa Senado

Ni Apolinario Villalobos

Nabunyag na nakipagkita muna si Purisima sa Presidente, pagdating na pagdating niya mula sa Colombia, bago siya humarap sa Senado kahapon. Dahil sa nabistong miting ng dalawa, marami na ang nag-speculate na walang mangyayari sa hearing “in aid of legislation”. Sigurado daw kasing naturuan ng Presidente kung paanong sumagot sa mga tanong at malamang binigyan ang assurance na anuman ang mangyari suportado pa rin niya ito. Ganyan ang sistema ng bagong administrasyon –takipan ng mga mali.

Taas-noong humarap si Purisima at pangiti-ngiti pa, hindi lang mawari kung ngiting aso o ngiting pusa. Sumagot naman sa mga tanong, walang pinalampas, halatang ready, subali’t halatang ang mga ito ay puro hinabi sa mga hibla ng kasinungalingan.

Ang mga isyu at obserbasyon:

1. Mansyon sa Nueva Ecija. Tama ang sagot niya noon Hulyo sa tanong kung may “pinapagawa” siyang mansion sa Nueva Ecija – wala daw, at pinipilit niya kahapon. Dati na nga namang may nakatayo nang mansion noon pang panahon na yon. Subali’t sumemplang siya sa pagsagot kung paano niya nabili ang property at kung magkano ito dahil hindi angkop sa kinikita nilang mag-asawa. Prime property ito batay sa location at ang mababang presyo ay balot ng mga pagdududa. Ang mansion ay nasa San Leonardo, Nueva Ecija at kumpirmadong pugad o sentro ng huweteng. Ang naisip tuloy ng mga tao ay kung may kapalit bang “goodwill” ang bahay. Matunog ang tanong kung bakit sa kabila ng pagkaroon niya ng mansion sa pugad ng huweteng ay namamayagpag pa rin ito.
2. Sasakyan na nabili raw sa halagang 1.5M pesos. Marami ang napanganga dahil hindi bababa sa 6Mpesos ang halaga ng nasabing sasakyan. Nabigyan daw siya ng malaking discount. Kaya pinaalalahanan siya ni Senator Grace Poe na ito ay katiwalian. Parang walang epek ang sinabi ng senador. Nakasandal nga naman siya sa pader…Presidente ba naman.
3. Mga “donasyon” para sa “White House” sa Crame. Kahit nabistong hindi kapani-paniwala dahil sa kawalan ng Deed of Donation mula sa mga donors, hindi pa rin siya natinag, kahit pa na nadagdag sa duda ang huli nang paggawa ng mga Deed of Donation. Sa diretsahang sinabi ni Senator Osmeῆa na hindi kapani-paniwala ang sinabi niya, maaliwalas pa rin ang mukha na talagang nakikitaan ng self-confidence. Sa sinabi ng senador na kung mga donasyon ang tinanggap ng PNP dapat ay ginamit ang mga ito sa PNP Hospital na mas nangangailangan ng tulong, sa halip na ginugol sa “White House”. Ang expression sa mukha ay “parang wala lang”, na animo ay nagsasabi ng “pakialam ko sa ospital”. Wala rin daw siyang design ng “White House”, dahil ang inaasahan lang daw niya ay isang “quarters”. Kaya nang sabihin ng nagtanong na si Senator Osmeῆa na “I don’t believe you”, at dinagdagan pa na kung dog house ang nagawa, okey lang pala sa kanya. Wala pa ring epek sa kapal ng apog ni Purisima! Talagang epektibo ang “pagturo” sa kanya ng kanyang BFF. May binanggit pa siyang “build and transfer” na akala mo ay tumutukoy siya sa isang infrastructure tulad ng MRT at LRT. Nahawa siya sa kahibangan ng nagturo sa kanya!
4. Ang trucking business. May mga nagsabi na hindi maaaring walang kapalit ang pagkaroon niya ng mga truck na milyones ang halaga. Sabi ng mga reporters, naalala nilang may panahon daw noon na maraming mga truck ang “nahuli” at na-impound dahil kung hindi puslit, ay maraming question sa mga papeles. Pero sa Senado, hindi malinaw ang sagot ni Purisima tungkol sa kung paano siyang nagkaroon ng mga truck. Sa isang banda, ang mga “maalam” na reporters ay maraming “alam”, ayaw lang magsalita dahil wala silang proteksiyon. Binasura kasi ng Presidente ang Freedom of Information Bill!
5. Ang targeted na satisfied population sa serbisyo nila na 65% lang. Sa tanong ni Senator Poe na bakit hindi gawing 95% man lang, ang depense niya ay, “ibinigay” lang daw sa kanya ang target. Halatang spoon-fed siya bilang hepe ng PNP. Kung hindi nabunyag, pagdating sa singilan na may kinalaman sa performance ng PNP, at ang inabot lang ay 65% o 70%, ay lalabas na successful nga naman sila sa pagtupad ng kanilang tungkulin bilang pulis. Halatang ang ganitong pananaw o takbo ng diwa ay pinapairal ng “isang tao” na masyadong bilib sa sarili…doon sa itaas!
6. Ang inaabangang commitment niya kung paanong sugpuin ang katiwalian sa hanay ng kapulisan o sa diretsahang salita ay kung huhulihin ba ang mga tiwaling pulis. Nakakabingi ang sinabi niya na kahit may napapansin silang hindi maganda sa kilos ng mga tiwaling pulis, hindi daw nila masasampahan ang mga ito ng kaso, hangga’t hindi nahuhuli sa akto! Kaya pala naglipana ang mga hulidap at kotongan na big time na! Kailangan pa palang lumaki ang mga kaso na pansin na sa tulong ng media tulad ng nangyari sa hulidap sa EDSA bago kumilos ang kapulisan. Paano kung walang netizen na nakapag-post sa facebook upang maging viral at mapansin ng publiko! Ang sinabi ni Purisima sa Senado ay parang hudyat sa mga nakangising tiwaling pulis na ituloy lang ng mga ito ang kanilang ginagawa – huwag lang pahuli sa media o netizen para hindi malagay sa diyaryo o sa facebook! Malinaw ang kutsabahan sa loob ng PNP! May isang concerned na grupo ang nanawagan na ang mga bagong graduate na pulis ay huwag i-partner sa mga senior na police – may malinaw na mensahe kahit pahapyaw.
7. Wala si Escudero, ang future groom sa kasal niya sa isang artista na malaki ang agwat edad sa edad niya, at ang future Best Man ay ang Presidente. Naisipan kaya ni Escudero na huwag na lang siyang umatend sa hearing at baka magmukha siyang tanga dahil hindi siya magtatanong sa BFF ng future Best Man niya? Maraming nadisymaya dahil akala ay “matino” si Senator Escudero bilang senador, feeling “intelligent” daw kasi. Sa pagliban niya sa hearing, nakita na ang tunay niyang kulay. Kasama pala siya…!
8. Si Senator Trillanes, kung magtanong halatang ingat na ingat din. May pinupuntirya kasing mas mataas na puwesto, kaya hanggang ngayon para pa siyang nagsa-shopping ng suporta – gumigitna, feeling safe muna. Kasama rin pala siya…!
9. Sa tanong ni Senator Poe si Purisima kung ano sa palagay niya ang rating niya batay sa 1-10, walang kagatul-gatol na sinabi niyang 9. Siguro kung sa pagkakataong yon ay kumakain ang senadora, malamang na nabulunan siya! Pigil ang sarili sa paghalakhak, sinabi na lang niya ng diretsahan na “4 ka lang”. Sampal na hindi ininda ni Purisima!
10. Sinisiraan daw siya (Purisima) upang ang mga naninira sa kanya ay patuloy na makagawa ng katiwalian. May sindikato raw sa Crame at hindi niya hahayaang pigilan siya sa pagpapatuloy ng mga reporma. Familiar ang linyang yan. Ilang beses nang sinabi sa mga pulong, paulit-ulit pa, parang sirang plaka, mabuti na lang hindi binanggit ang mga kapalpakan ng pinalitan niyang hepe. Ang himutok ng isang jeepney driver…haaaay nakwo…gets nyooooh????

Pagkatapos ng hearing sa Senado, kumpirmado na ang wholesale na sabwatan at takipan sa gobyerno…yon na! Kawawa naman ang Pilipinas!

Ang hearing ay gagamitin dawn a batayan sa paggawa ng mga batas upang matigil ang katiwalian sa kapulisan…kaya?

Sa isang banda, masigabo ang palakpakan ng mga nasa Malacaῆan! Diretsong sinabi na suportado nila si Purisima! Malamang ay nagtitilian sila sa isa na namang tagumpay na tinamo ng isang ka-apiran! BFF nga!

Ang Kayabangan Ni “Little Brother”

Ang Kayabangan ni “Little Brother”

Ni Apolinario Villalobos

Sa pagpunta ni Presidente Pnoy sa Amerika, marami siyang mga ginawang hindi kaaya-aya para sa tingin ng maraming Pilipino. Inupakan na naman niya ang dating presidenteng Gloria Arroyo at pinuri ang kanyang mga cabinet secretaries lalo na si Allan Purisima ang PNP Chief, at nag-report ng mga kwestiyonableng mga proyekto. Ang mga Pinoy sa Amerika na audience niya sa mga talumpati ay pumalakpak ng masigabo, subali’t yong mg nakakaunawa ng tunay sa sitwasyon sa Pilipinas ay nagprotesta sa labas. Pero may isang nakalusot na babaeng estudyanteng ipinagsigawan sa harap ni Pnoy ang mga kamalian ng kanyang administrasyon, kuntodo pakita pa ng malaking papel na pinagsulatan ng kanyang protesta. Itong babaeng protester ang dapat palakpakan dahil sa kanyang katapangan!

Hindi pa nadala ang presidente, kaya sa isa namang pagpupulong, kahit hindi siya hinihingan ng commitment tungkol sa isyu ng ISIS, binoluntaryo naman niya ang tulong ng Pilipinas subali’t sa paraang hindi daw mangahuhulugan ng kamatayan ng mga volunteers na Pilipino. Isa na namang okasyon ito na dada lang ng dada ang pangulo ng hindi pinag-iisipan ang sasabihin. Ang isyu ng ISIS ay may kinalaman sa bakbakan kaya nangangahulugang maaaring mamamatay ang ipapadala doon. Ang iniisip yata niya ay maging tagaluto ng pagkain sa field mess halls ang mga sundalong Pilipino na ipapadala doon, o di kaya ay maging telephone operator, o di kaya ay maging driver ng mga opisyal! Buti na lang at hindi humagalpak ng tawa ang kanyang kausap o di kaya ay nagkamot ng ulo!

Hindi na naisip ni Pnoy na ang ating bansa mismo ay may sariling problema sa terorismo, na kinasasangkutan ng Abu Sayyaf at BIFF. Kaya dapat ay dito nakatuon ang kanyang atensiyon. Hindi na siya dapat pang lumayo upang magyabang. Malaki ang budget ng military para sa intelligence kaya dapat alam ng gobyerno ang galaw ng dalawang grupong nabanggit. Limitado ang galaw ng mga teroristang ito sa mga lugar sa Mindanao na tukoy na. Bakit hindi ito ang trabahuhin ng mga kasundaluhan sa halip na gamitin sila sa kayabangan sa ibang bansa? Nabisto na pinasukan na rin ng anomalya ang sweldo ng mga pinapadala sa ibang bansa upang mapasama sa peace keeping forces ng United Nations. Ang turing pala dapat sa mga Pilipinong sundalo kapag nandoon na ay “pantay-pantay”, kaya ang sweldo ay dapat “pantay-pantay” rin. Subalit nabisto na dahil sa Pilipinas inire-release ang sweldo o allowance ng mga ito, ibinabatay pa rin ang halaga sa rangko! Sa laki ng allowance, saan napunta ang ibang halaga na kinaltas mula sa sweldo ng mga sundalong mababa ang rangko?

Nakakahiya at nakakabahala ang patuloy na pangingidnap ng Abu Sayyaf, na nitong mga huling araw ay hindi na rin pinatawad maski mga kapwa Muslim, basta mayaman. Ang BIFF naman, maya’t maya ang pagpapasabog ng bomba sa mga lugar na makursunadahan nila upang iparating sa gobyerno na buhay pa sila at malakas sumipa. Sa panig naman ng military, sasabihin lang nito na huwag mag-alala ang taong bayan dahil hindi makakarating sa Maynila ang terorismo. Sigurado ba sila? Sa palpak na seguridad sa mga airport at pantalan, huwag naman sanang may makalusot. At dapat isipin ng gobyerno na hindi lang ang mga regular na pantalan ang pwedeng daungan ng mga terorista kung gusto nilang lumusob ng paunti-unti. Mahaba ang baybayin ng Pilipinas dahil mga bumubuo sa bansa ay mga isla! Walang kapasidad ang Philippine Navy na proteksiyunan ang mga baybayin dahil sa bulok nitong mga barko! At isa pa, bakit Maynila lang ang inaalala? Paano ang mga nagdudusa na dahil sa mga nangyayaring terorismo sa Mindanao?

Pag-uwi, ipagyayabang ni Presidente Pnoy ang mga “nakupo” o “captured investors” sa kanyang pag-ikot sa Yuropa at Amerika. Ang mga ito ay “nangako” na maglalagak ng investment sa Pilipinas. Subalit madali ang hindi tumupad sa pangako lalo na kung may mabibigat na dahilan. At dito sa Pilipinas ay marami nitong mga dahilan…ang mga bulok na airport terminal, maiigsing mga runway at kakulangan ng mga ito lalo na sa Maynila, ang matinding trapik sa himpapawid para sa mga eroplano at sa mga kalsada na tadtad din ng mga lubak, mga baha, ang red tapes na isa sa mga resulta ng corruption sa gobyerno, lalo na ang mga kidnapping. Ang mga pangakong ito ay ipamamana niya sa susunod na administrasyon kung bababa siya. Kung ibang tao ang uupo, wala nang pakialam si Pnoy kung matutuloy ang pangako o hindi. Samantala, pag-uwi niya ay may irereport siya sa madla…. mga nakasulat sa papel! At asahang bibitsenan niya ito ng pagbatikos kay Gloria Arroyo at pagpuri kay Purisima!

Nadadamay ni Purisima Ang Buong Kapulisan

Nadadamay ni Purisima

Ang Buong Kapulisan

Ni Apolinario Villalobos

Sa ginagawa ni Purisima na animo ay asong bahag ang buntok nagsusumiksik sa isang sulok o di kaya ay batang nanginginig sa takot na ayaw lumabas mula sa pinagtataguang kabinet, ay nadadamay niya ang buong kapulisan. Bakit ayaw niyang “lumabas” at magsalita? Baka ang sinusunod niyang prinsipyo ay “less talk, less mistake”. Baka rin kaya takot siyang may masagasaan kung magsimula siyang magsalita, at magbubunyag ng kasiraan niya, tulad ng ginagawa sa ibang mga opisyal ng gobyerno, pati na mga artista! …na puro below the belt ang mga sinasabi, at personal na sumasaklaw na sa kasarian.

May mga tao kasing makasira lang ng ibang tao, ay kung anu-ano na ang sinisiwalat, bilang ganti kapag may nabulgar naman tungkol sa kanila. Kaya ang dapat gawin ni Purisima ay mag-resign na bago umabot sa ganitong punto dahil siguradong hindi na siya makakabawi kung may magsimula nang siraan siya – dahil ibabandera sa lahat ng sulok ng bansa, pati pangalan ng pamilya ay damay! Kaliwa’t kanan na ang panawagan na mag-resign siya, subali’t pinalaki lang ng Presidente ang loob niya nang purihin pa niya ito. Dahil sa ginawang ito ng Presidente, malakas ang loob niyang bastusin ang Senate hearing na pinatawag ni Senator Poe.

Mismong mga volunteer against crime ay nagsusulong din ng panawagan na mag-resign si Purisima dahil wala namang nagawa sa mga lalo pang namamayagpag na krimen tulad ng hulidap, kidnap for ransom, drugs, na kinasasangkutan na rin ng mismong mga pulis. Bilang pag-depensa, sinabi ni Pangulong Pnoy na hindi lang naman daw ngayon may ganoong klaseng mga krimen. Huh??????!!!!!! Noon sinabi ni Pnoy na nanghuhuli naman daw ang mga pulis ng mga tiwaling pulis. Huh?????!!!!!!…eh, trabaho nilang manghuli, may sweldo sila para dito, kaya hindi sila dapat purihin sa pagtupad ng kanilang trabaho!

Kaya itinalaga si Purisima bilang chief ng PNP ay dahil INASAHAN siyang may magawa sa pagsupil ng krimen sa bansa. Pero dahil lagapak na lagapak ang pagbagsak niya sa inaasahan o expectation, dapat lang nag bumaba siya…ganoon lang! Hindi siya kawalan ng PNP dahil maraming magagaling na hindi na nga dapat i-compare sa kanya dahil wala namang batayan. Ang mga nalaktawan niya ay matatapang, may lakas ng loob, matikas kung magbitaw ng mga salitang may laman bilang babala sa mga kriminal at tiwaling pulis, at lalong higit…nirerespeto ng mga kapwa pulis, kapantay man o nasa mababang hanay! Nahawa na rin yata siya sa iba pang mga opisyal ng gobyerno na kapit-tuko sa pwesto sa kabila ng kanilang mga kapalpakan…at dinadaan na lang ang lahat sa pakapalan ng mukha!

Sabi ng isang radio broadcaster, “sayang talaga kung hindi muna niya i-enjoy ang bagong gawa na “magandang” tirahan…kaya bakit nga naman siya magre-resign?”

May Problema Kaya ang Namumuno ng Philippine National Police (PNP)?

May Problema Kaya

Ang Namumuno ng Philippie National Police (PNP)?

Ni Apolinario Villalobos

Sobrang halata na ang kahinaan o kalamyaan ng liderato ng PNP, kaya marami ang nagtatanong kung may problema ang namumuno nito na si Allan Purisima. Hindi tulad noong mga nakaraang administrasyon ng PNP, palaging naririnig at nakikita ang mga namumuno kaya conscious na conscious ang mga nasasakupan na palagi silang binabantayan. Nirerespeto ang mga nakaraang namuno. Matapang at brusko o macho ang dating sa pagbitaw ng mga salita lalo na ng mga babala sa mga kapulisan. Mabilis din ang aksiyon sa mga kaso ng mga pulis na nagkasala kaya marami ang nasuspindi at natanggal. Subalit ngayon, kahit may malaking kaso nang hinahawakan, wala pa ring naririnig kay Purisima. Nabibisto din sa pamamagitan ng media na marami palang pulis na patung-patong ang mga kaso subalit nagdo-duty pa rin…hindi man lang nasususpindi at lalong walang natatanggal.

Sa paghugas-kamay ng PNP, itinuturo nito ang National Police Commission (NAPOLCOM) sa mahinang pag-usad ng mga kaso. Bakit hindi sila gumawa ng follow-up action upang masigurong naipapatupad ang desisyon, at tuloy ay magamit nilang accomplishment nila na pwedeng banggitin sa mga press conference para malaman ng mga Pilipino? Iniisip tuloy ng mga Pilipino na may sabwatang nangyayari dahil yong dapat na natanggal na ay nasa serbisyo pa rin. Yong iba, “floating”, walang ginagawa pero may sweldo! Yong dalawang sangkot sa EDSA hulidap, mismong ang dating hepe ng PDEA ang nagsiwalat na may kaso na sila tungkol sa droga at dapat ay natanggal na, subalit nagulat siya nang malamang andiyan pa pala at nasangkot uli sa hulidap!

Pinagkakaisahan kaya si Purisima ng mga nakakababa sa kanyang mga opisyal? Bakit hindi yata siya nirerespeto ng hanay ng kapulisan? Malakas ang usapan na may dinismis daw siyang pulis na may kaso, subalit nakabalik din sa serbisyo. Kung totoo man, ilan ang ganitong kasong dismiss-balik na pagpapakita ng kawalan ng respeto sa kanya? Maaalala na galing siya sa Presidential Security Group (PSG) at isa sa mga security officers na nagbantay sa dating Cory Aquino, kaya noong itinalaga itong Chief ng PNP ay maraming mga karapat-dapat na aspirants at talagang sa field ang exposure ang nagulat dahil nalaktawan…sumama man ang loob ay hindi na kumibo. Sabi pa ng iba, “tanaw utang na loob na naman”! Marami rin ang nakakahalata na kung magsalita daw si Purisima ay “parang wala lang”, hindi nakikitaan ang mukha ng tapang o determinasyon kaya ang mga sinasabi ay walang epek, walang dating. Paano nga bang rerespetuhin ang ganitong hepe na kung minsan daw ay mas marami pa ang ngiti kaysa mga babala sa mga tiwaling pulis?

Pinagtatanggol ng Presidente si Purisima sa pagsabing hindi lamang daw sa pamumuno nito nagkaroon ng katiwalian ang kapulisan at ang nakakahuli naman daw ng mga pulis na tiwali ay kapwa nila pulis. May mali yata doon. Una, sa panahon pa man ng unang presidente ng Pilipinas ay mga mga tiwaling pulis na, subali’t inaasahan na ang namumuno ay sasawata nito. Nang umupo si Purisima, inasahan siyang gagawa ng mga hakbang upang matigil ang katiwalian, subalit hindi niya nagawa, nabigo siya. Pangalawa, hindi na naman maganda ang ginawa ng pangulo sa pagbalik- tanaw sa mga nakaraan na may halong paninisi, dahil ang inaasahan ng Pilipino ay ang mga nagagawa o gagawin ng kasalukuyang nakaupo. Ginagawa niya ito kay Gloria Aroroyo na binabato ng mga paninisi, pagdating sa mga problemang hinaharap niya sa kasalukuyan. Sinasabing magaling siya…patunayan niya! Huwag idaan sa paninisi ang tila desperasyon dahil sa kawalan ng paraan upang masawata ang korapsyon na kita namang namamayagpag sa administrasyon niya! Pangatlo, bakit ituturing niyang parang espesyal ang ginagawa ng pulis sa paghuli ng mga nagkasala, eh trabaho naman nila talaga ito? Ang dapat niyang sabihin ay kung ilan ang mga natanggal na pulis dahil sa pangongotong, drug pushing, hulidap at rape. At kung ilan ding mga “tunay” na drug lords ang nahuhuli kung may raid na gagawin sa mga drug laboratories, na halos ay wala, sa kabila ng kung ilang buwang surveillance! Puro nakatakas, kaya ang inaabutan ay mga tauhan lamang! Marami pa ang nagtatanong kung saan galing ang drogang binibenta ng mga tiwaling pulis, na dapat masagot.

Mahilig ang pangulong magtakip sa mga hindi magandang performance ng kanyang mga tao. Sa mga nagkakabulukang donations na hawak ng Department of Social Welfare (DSW) na dapat ay noon pa naipamudmod sa mga biktima ng bagyong Yolanda, pagpupuri pa ang mga sinabi para kay Dinky Soliman. Sa ahensiyang naitalaga upang mangasiwa sa pagbigay ng mga construction materials sa mga biktima ng kalamidad, na nabistong mahinang klase, wala rin siyang sinabing babala. Noong nakaupo pa si Vitangcol sa pamunuan ng MRT, sa kabila ng mga problema at panawagan na paalisin na niya ito, wala rin siyang nagawa hanggang ibang tao pa ang nagsabi kay Vitangcol na mag-resign na nga. At sa katagalan ay nag-resign na nga, subalit ang resulta naman ay ang tuluyan nang pagkawarat ng sistema ng MRT kaya sunud-sunod ang problema. Ngayon ay sa kaso naman ng PNP…

Sa pananaw ng nakararami, hindi bagay kay Purisima ang mabruskong trabaho tulad ng sa PNP na nangangailangan ng kamay na bakal at matatalim na salita kung kinakailangan. Kung sa pang-unawa at kabaitan, malamang umaapaw ang mga ito sa kanyang puso. Kung sa talino, malamang halos mamaga ang utak niya dahil sa pag-aalagwa nito. Kung sa ngiti, hindi ito nawawala sa kanyang mga labi. Pero iba sa PNP, dahil hindi lang sibilyan ang kakaharapin ng namumuno, kundi kaparehong mga pulis na nakauniporme at may mga armas , na nakapagsanay din, kung hindi sa Philippine Military Academy (PMA) ay sa PNP Academy kung saan ay napapag-aralan ang iba’t ibang klaseng krimen, kaya siguro ang iba ay natuto at nagkaroon ng utak-kriminal kaya nasangkot at nasasangkot pa rin sa droga, hulidap, rape at kung anu-ano pa. Kung nararamdaman ni Purisima na baka pinagkakaisahan siya ng mga ka-uniporme niya, at lalong higit kung naiisip na niya ngayong hindi siya bagay sa field, dapat bumaba na siya sa pwesto. Habang may self-respect pa siya, dapat magmuni-muni siya kung paanong ang natirang ito ay hindi mawala sa kanya. Pero, sabi naman ng iba, sayang yatang iwanan niya basta ang bagong gawang tirahan niya na ginastusan ng milyones kaya hanep sa ganda!

Ang nahahalata ng mga Pilipino ngayon ay tila parang synchronized na pagtatakip sa kahinaan ng liderato ng PNP sa pamamagitan ng pagdepensa ng Presidente kay Purisima, may dagdag pang salitang bumaba daw ang krimen na napakasakit sa tenga… ang palaging pakiusap naman ng Secretary ng DILG Mar Roxas sa mga sangkot sa krimen na sumuko, na ang pinakahuli ay tungkol sa EDSA hulidap… at ang pananahimik naman na parang kordero ng mismong pinuno ng PNP. Kaya sa tingin ng Malakanyang at ni Secretary Mar Roxas, “mapayapa talaga” ang Pilipinas sa pamumuno ni Purisima!