Kahangalan ang Paglagay ng Sticker o Seal sa mga Bahay na Walang Adik o Drug Pusher

KAHANGALAN ANG PAGLAGAY NG STICKER O SEAL

SA MGA BAHAY NA WALANG ADIK O DRUG PUSHER

Ni Apolinario Villalobos

 

ISANG KAHANGALAN ANG GUSTONG MANGYARI NG DEPARTMENT OF INTERIOR AND LOCAL GOVERNMENT (DILG) NA LAGYAN NG SELYO O SEAL ANG MGA BAHAY NA ANG MGA NAKATIRA AY WALANG KINALAMAN O HINDI SANGKOT SA DROGA. AT, ANG PINAKAMATINDI AY ANG PAGBIGAY NG UTOS SA MGA BARANGAY.

 

MGA PANANAW KO KUNG BAKIT HINDI ITO EPEKTIBO:

  • MISMONG MGA OPISYAL NG ILANG BARANGAY O MGA VOLUNTEER NILA ANG SANGKOT SA DROGA.
  • NAILILIPAT ANG MGA STICKER DAHIL NAKADIKIT LANG.
  • PWEDENG LUMIPAT ANG MGA ADDICT AT PUSHER SA MGA BAHAY NA MAY STICKER.

 

HIGIT SA LAHAT, PAGKIKITAAN LANG NG MGA TIWALING LOCAL OFFICIALS ANG PAGPAPAGAWA NG MGA STICKER. MALAKING HALAGA ANG KIKITAIN DAHIL SA DAMI NG MGA BAHAY NA PWEDENG LAGYAN, LALO NA SA MGA SQUATTERS AREAS….MILYON-MILYON!

 

HUWAG MAGING BULAG ANG NAGMAMAGALING NA KALIHIM NG DILG DAHIL LANG ITINIGIL ANG “OPERATION TOKHANG”. MARAMING DAPAT GAWIN ANG DILG KUNG MAKIKIPAG-COORDINATE LANG ITO NG MAAYOS SA IBA PANG AHENSIYA TULAD NG DOH, DSW, AT DPWH, TULAD NG:

 

  • CONSISTENT NA PAGLINIS AT PAGTANGGAL NG KUMAPAL NA PUTIK SA MGA DRAINAGE
  • PAGTAPAL NG MGA LUBAK SA MGA KALYE NG MGA BARANGAY.
  • PAGPAPAAYOS NG MGA STREET SIGNS/NAMES NA KARAMIHAN AY SINIRA NG MGA KABATAANG WALANG MAGAWA.
  • PAGPAPABAWAL SA PAGGAMIT NG PRESERVATIVES SA MGA GULAY AT ISDA NA BINEBENTA SA MGA PALENGKE.
  • PAGPAPATUPAD NG CURFEW PARA SA MGA KABATAAN.
  • PAGPAPATUPAD NG MGA PROGRAMANG PAGKIKITAAN SA MGA DEPRESSED AREAS.
  • PAG-CHECK NG MGA PALPAK NA REPAIR SA MGA PROVINCIAL HIGHWAYS NA HALATANG PINAGKITAAN.

 

KUNG TUTUUSIN, DILG ANG MAY MAGANDANG MGA OPORTUNIDAD UPANG MAKATULONG SA MGA TAO NANG DIRETSAHAN, HINDI TULAD NG IBANG AHENSIYA NA LIMITADO SA ILANG SEKTOR AT PROGRAMA.

 

ANG DILG DAPAT ANG ITURING AN “UMBRELLA AGENCY” NG LAHAT NG AGENCY DAHIL LAHAT NG MGA PANGYAYARI SA BUHAY NG MGA PILIPINO AY NAGSISIMULA SA LOOB NG KOMUNIDAD NA GINAGALAWAN NIYA, MULA SA KALUSUGAN, DROGA, HUSTISYA, EDUKASYON, AT MARAMI PANG IBA.

 

Ang Addiction, Harakiri, at Dangal

Ang Addiction,  Harakiri, at Dangal

Ni Apolinario Villalobos

 

Ang addiction ay hindi limitado lang sa alak, sigarilyo at droga. Sa Pilipinas, may mga maidadagdag pa sa listahan: addiction sa pera, addiction sa pagsinungaling, at addiction sa cellphone.

 

Ang mga sintomas ng addiction sa pera ay ang hindi makontrol na paggalaw ng mga hinlalaki (thumb) at hintuturo (thumb) sa pagkiskisan na animo ay nagbibilang ng pera, pagkataranta kapag nakarinig na kalansing ng baryang nahulog, panlalaki ng mga mata kapag pinag-uusapan ang pera, at madalas na pagkadulas sa pagsabi ng “how much are you”, sa halip na “how are you”. Talamak itong sakit sa Kongreso at Senado at iba pang mga ahensiya ng gobyerno na palaging may project (na pinagkikitaan).

 

Ang mga sintomas naman ng addiction sa pagsisinungaling ay ang hindi nawawalang ngiti sa mga labi upang ipakita sa iba na malinis ang kanyang budhi at isip, pagsambit ng pangalan ng Diyos na idinudugtong sa mga pangako, pagbanggit ng kidlat, kulog, malusaw, mamatay, at iba pang kahindik-hindik na mga salita upang idiin ang katotohanan kuno ng mga sinabi niya at yong iba ay binebetsinan pa ng “peks man” at “cross my heart”, at ang pinakamalinaw na palatandaan ay ang walang kabuhay-buhay at hindi kumukurap na mga matang nandidilat habang nagsasalita sa harap ng camera dahil nag-aalala na baka madulas ang kanyang dila.

 

At, ang addiction naman sa cellphone ay may mga sintomas na paggalaw-galaw ng hinlalaki na animo ay may pinipindot. Napapansin din ang hindi mapalagay na pagkilos ng addict kapag ang katabi ay may kausap sa cellphone dahil parang may nag-uutos sa kanyang agawin ang cellphone upang siya naman ang makipag-usap. Napapakislot din itong uri ng addict kapag may naririnig na tunog ng cellphone, na sinasabayan pa ng pagdidila ng mga labi na para bang natatakam sa pagkain. At sa isang tahanan, malalaman kung may mga addict sa cellphone kapag may nagbabangayan na maririnig hanggang kalye dahil sa pagwawala ng mga anak na gustong magkaroon ng mga bagong cellphone.

 

Kung dangal naman ang pag-uusapan, matindi ang mga Hapon sa pag-alaga nito. Nagpapakamatay sila kapag nadungisan ang kanilang dangal. Yong mga nasa gobyerno ng Japan, na nabigla o hindi sinasadyang nakagawa ng masama ay nagpapatiwakal agad kahit hindi pa nasisimulan ang imbestigasyon.

 

Kung sa Pilipinas mangyayari ang pagpapatiwalak o pagharakiri ng mga nagkasalang government officials, siguradong walang matitira….mula sa pinakamataas na puwesto hanggang sa ibaba. Pero hindi nangyayari, dahil sinanay ang mga Pilipino ng mga prayle o Spanish friars noong panahon ng mga Kastila sa paniniwalang kahit sangkaterba ang kasalanan, lusaw ang mga ito sa paulit-ulit na pagdasal ng Our Father, Hail Mary, at I Believe in God,  na ipinapataw sa nagkumpisal. Kaya ngayon, tingnan ninyong mabuti kung sino ang mga mahilig gumawa ng mga kasalanan na nakaluklok sa kawawang gobyerno ng Pilipinas!…hindi ba silang mga nananalig sa kumpisal?…dahil pagkatapos ng mga penance ay gagawa uli sila ng mga kasalanan!