Ang Mga Laglagan sa Pilipinas

Ang Mga Laglagan sa Pilipinas

Ni Apolinario Villalobos

 

Ilang buwan pa lang ang nakararaan, laglag-bala ang mainit na isyu. Ang mahigpit na pag-kontrol sa mga airport upang maiwasan ang pagpuslit ng mga deadly ammunition ay okey na sana subalit nasilipan ng butas ng ilang tiwali sa airport dahil sa paniniwala ng mga Pilipino sa bala bilang agimat. Dahil sa katiwalian na iyan, maraming tanga at may matigas na ulong Pilipino ang nawalan ng trabaho sa ibang bansa dahil napigilan sa pagsakay sa eroplano dahil lamang sa iisang balang nakita sa kanilang bagahe. Maraming tangang Pilipino ang umaming nagdadala talaga ng bala sa abroad upang pananggalang daw nila laban sa pag-aabuso ng employer. May mga natanggal na ring mga inspector ng bagahe dahil kahit obvious na talagang walang laman ang bala dahil ang tinuturing na agimat lang talaga ay ang tansong basyo, pinagpipilitan pa rin na “deadly ammunition” daw ito. Bakit nga naman nila palalampasin ang pagkakataon ganoong, ang “pakiusapan” ay may presyong mula 2 thousand hanggang 8 thousand pesos???!!!

 

Sa pinakapangit na airport pa rin sa buong mundo, ayon sa survey – ang Manila International Airport Terminal 3, laglag-kisame naman ang isyu. May nasugatan, banyagang turista pa, mabuti na lang at hindi nasaktan ang kanyang asawang Pilipina at anak. Nag-apologize ang manager ng airport subalit hindi pa rin ito sapat. Bago nangyari ang paglaglag ng kisame sa coffee shop, ay nagkaroon na rin ng laglagan bago pa man binuksan para sa operasyon ang Terminal 3, at nang nag-ooperate na, nagkalaglagan pa rin ng dalawang beses. Ibig sabihin, ang diperensiya ay ang mahinang “original” na kisame o suporta nito, kaya siguradong ang bagong kisameng ikakabit ay madadamay. “It’s more fun in the Philippines” pa rin kaya ang sasabihin ng pinakahuling nasaktan na turista?

 

Nilaglag ni Aquino si Purisima kung kaylan sobra na ang alingasaw ng amoy ng “teamwork” nila. Nilaglag din ng administrasyon si Vitangcol ang sinasabing palpak at nangurakot sa mga deals at management ng MRT, pero under investigation, as usual, at pinagduduhan pa . Latest kay Vitangcol: humihingi ng tulong sa PAO para bigyan ng libreng abogado! Ang kakapalan nga naman ng mukha kung umiral! Yan ang problema sa mga tauhan ni Pnoy, ginagawang tanga ang mga Pilipino….gusto ba namang magkaroon ng abogadong ang nagpapasuweldo ay taong bayan na sinasabing niloko niya! Walang delikadesa!

 

May mga laglagan na rin sa pulitika bago sumapit ang election 2016. Nilaglag ni Pnoy Aquino si Mar Roxas nang i-veto niya ang batas para sa dagdag na 2 libo sa pension ng mg SSS retirees. Sa mga hindi nakakahalata, binago ni Roxas ang kanyang political ad dahil sinimplehan lang, walang music background, at ang dialogue tungkol sa tuwid na daan ay dinugtungan niya ng “pupunuan ko kung may kakulangan, iwawasto ang mali, at hindi ako nagnakaw….”. Malinaw na patutsada kay Pnoy na mula’t sapul ay walang bilib sa kanya. Nilaglag din daw ni Escudero si Grace Poe subalit deny to death naman siya sa isang interview…pero truthful ba siya?

Lohika laban sa Lohika…tungkol sa subsidiya

Lohika laban sa Lohika

…tungkol sa subsidiya

Ni Apolinario Villalobos

Ang sinasabi ng gobyerno, hindi daw patas o fair na i-subsidize ang pamasahe sa LRT at MRT.

Unang-una, ang subsidiya ay hindi naman nakakatulong sa mga mananakay dahil ito ay isang “profit guarantee”. Ibig sabihin, ang bentaha ay mapupunta sa grupong nagpapatakbo ng dalawang mass transport system at hindi sa mananakay. Kaya, malamang na yong bahagi ng naaprubahang budget na para sa LRT at MRT ay hindi mapupunta sa pagpapaganda ng serbisyo, kundi diretso sa grupong nagpapatakbo. At, ang ipapataw na dagdag pasahe ay ibibigay pa rin sa grupo, subalit para hindi garapal ang dating, sinasabi ng gobyerno na para daw sa pagpapaganda ng serbiyso – na talaga namang obligasyon ng grupo, may dagdag pasahe man o wala!

Pangalawa, unfair daw sa mga taga-probinsiya na bumalikat sa subsidiya sa pamamagitan ng buwis nila, gayong hindi naman daw sila nakakasakay sa mga tren. Hindi na sana ito inungkat ng gobyerno dahil pwede ring sabihin ng mga taga-Maynila, na unfair sa kanilang ang buwis na binabayad nila ay gagastusin sa pagpapagawa ng mga highway, tulay, mga eskwela at iba pa sa probinsiya!

Ang pangatlong sinasabi ng gobyerno ay obligasyon daw talaga ng mga mananakay na gastusan ang kanilang pamasahe papunta sa trabaho dahil may naman suweldo sila. Kung sabihin kaya ng mga mananakay na ang mga opisyal ng gobyerno ay dapat gumastos sa mga sarili nilang biyahe kahit ang mga “official trips” na sinasabi, dahil trabaho nila ito at may suweldo naman sila?!!!! At batay sa bagong budget, ang mga opisyal na ito, kasama na ang presidente ay kung ilang doble na ang inilaki ng travel allowances, mula noong nagsimula ang kanilang administrasyon!!!!!