Ang Death Penalty at ang Gamot sa Sakit

Ang Death Penalty at ang Gamot sa Sakit

Ni Apolinario Villalobos

 

Noon pa mang unang panahon, kasama na ang panahon ng Bibliya, ay mayroon nang parusang kamatayan. Ang malupit na uri ng hatol para sa nagkasala noon hanggang ngayon na pinaiiral ng ilang bansang kumikiling sa Islam ay batay sa sinabi sa Bibliya na, “…tooth for a  tooth…”. Sa mga bansang yon, ang nanggahasa ay pinuputulan ng titi at ang nagnakaw ay pinuputulan ng kamay. Ang parusang kamatayan ay bahagi na ng kultura ng iba’t ibang uri ng lahi sa ibabaw ng mundo dahil upang kahit papaano ay magkaroon ng pagpapahiwatig na may katumbas

 

Sa Pilipinas, nasindak ang mga drug lords at drug pushers nang binaril sa Luneta ang isang Chinese drug lord. Nagsilayas ang mga drug lords at nagpahinga ang mga drug pushers….ang mga drug addicts naman ay nagbago. Panahon yan ni Marcos, at nang siyang ay napatalsik, ang mga sumunod pang presidente ay naging malamya sa pagpapatupad hanggang sa naunggoy o nabola ng life advocates, lalo na ng mga international na grupo upang tuluyan na itong burahin bilang batas kaya namayagpag ang iba’t ibang uri ng krimen lalo na ang mga may kinalaman sa droga.  Batay diyan, bakit sasabihin ng mga humaharang sa death penalty na hindi ito epektibo o deterrent?

 

Ang isyu ay hindi nalalayo sa pag-inom ng gamot laban sa sakit. May mga tao kasing umaasang gagaling agad sila pagkatapos  uminom ng ilang pirasong tablet lang. Ang matindi ay ang mga matitigas ang ulo na hindi sinusunod ang sinasabi ng doctor na ubusin ang anti-biotic na nireseta sa kanila. Kapag nakaramdam na kasi nang kaginhawahan sa sakit ay tinitigil na ang pag-inom, kaya siyempre, babalik ang sakit….AT ANG SINISISI AY ANG GAMOT NA HINDI DAW EPEKTIBO!