Hindi na Natuto ang ILANG Obispong Katoliko

Hindi na Natuto ang ILANG Obispong Katoliko

…ang iingay pa rin na parang pusang naghahanap ng makukubabawan!

Ni Apolinario Villalobos

 

Akala ng ILANG mga obispong Katoliko ngayon ay may karisma sila na katulad ng kay Cardinal Sin noong panahon ng Martial Law. Totoong maingay si Sin noon, pero ang binabatikos niya ay ang Martial Law at si Marcos na hantaran kung gumawa ng katarantaduhan laban sa mga estudyante na ang pinaglalaban ay karapatan ng sambayanan. Umaga pa lang noon ay nagpapa-interview na si Sin sa mga radyo upang batikusin si Marcos. Yon ang sitwasyon na dapat batikusin ng maingay. Ang patayan noon sa ilalim ng Martial Law ay talagang WALANG KABULUHAN  dahil ang mga biktima ay mga matatalinong estudyante. Ngayon, ang ILANG mga Obispo ay maiingay na parang nagpapa-istaring lang, nagpapapansin kaya tuloy sila nababatikos din. Ngalngal sila ng ngalngal tungkol sa extra-judicial killing na pinaparatang kay Duterte ganoong wala namang napapatunayan. At, ang mga pinaglalaban nilang pinapatay ay mga kriminal naman!

 

Itinaon sa pista ng Nazareno ang pagpalabas na naman nila ng panawagan na “huwag pumatay” at ipinipilit na hindi si Duterte ang tinutukoy nila sa kahangalang panawagan, ganoong obvious naman. PARA MALAMAN NG ILANG OBISPONG ITO, HINDI TANGA ANG MGA PILIPINO, baka sila, dahil hindi nila alam ang kahulugan ng “crime”, “criminal”, “drug lord”, “rape”, “injustice”, etc. Kung gusto nila, Tagalugin ko pa ang mga binanggit ko: “krimen”, “kriminal”, “boss ng mga drug pusher”, “gahasa”, “kawalan ng hustisya”, atbp. Kung manawagan sila, lalo pa at itinaon pa sa tanyag na pista ng Quiapo, sana ay sinabi na lang nila na, “MAGMAHALAN TAYO”…positibo pa ang dating.

 

Hindi na natuto ang ILANG mga obispong ito na nagmamagaling na animo ay alam ang lahat ng tungkol sa buhay. Malinaw na may kakulangan sila dahil hindi nila nauunawaan na MAS MAY KARAPATANG MABUHAY ANG MGA INOSENTENG BIKTIMA KAYSA MGA KRIMINAL NA GUSTO NILANG PATULOY NA MABUHAY SA MUNDO. Hindi yata nila nauunawaan na kapag hinayaang mabuhay ang mga kriminal na ito ay magmimistula nang impiyerno ang Pilipinas dahil sa paglaganap ng droga at ng mga kaakibat na krimen na nakakawing o nakabuntot dito.

 

Kaylan kaya matuto ang ILANG maiingay na obispong Katoliko? Kung sila na mismo ang maging biktima?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s