Day: September 17, 2016

Edgar Matobato….witness ng desperadong tao

Posted by

0

EDGAR MATOBATO…WITNESS NG DESPERADONG TAO

Ni Apolinario Villalobos

 

Historical ang mga sinabi ni Matobato sa Senado, nangyari noong mayor pa lang si Duterte ng Davao. Ang mga pangyayari ay noong panahong DOJ secretary din si de Lima, kaya ibig sabihin ay nagpagpabaya si de Lima dahil noon pa man ay dapat na niyang inilabas ang witness…pero hindi niya ginawa. Kung ginawa ni de Lima ang trabaho niya noon bilang DOJ secretary, at SAKALING totoo ang sinasabi ng witness, eh, di sana hindi naging presidente si Duterte…na magpapasaya sa Liberal Party. Tuloy din sana ang masayang bentahan ng droga dahil walang mapapatay na drug pushers na siyang gusto yata ng mga maka-Diyos, kahit pa marami na ang nabubulid sa bisyong ito….buong Pilipinas pa, dahil maraming magulang, pati mga propesyonal, at mga opisyal sa gobyerno ang nabulid na sa bisyong ito….at ang nakakapanghilakbot ay maski mismo sa loob ng National Bilibid Prison ay may mga transaksyon!

 

Ang pinag-uusapan sa Senado ngayon ay extra-judicial killings ngayong presidente na si Duterte, hindi ang mga pangyayari noong siya ay mayor pa lang. Dahil diyan, lumalabas na out-of-tune si Matobato….kawawa naman dahil ginamit lang para sa kapakanan ng iilan, samantalang hindi nila inalintana ang dami ng mga kabataang magbubulid sa salot na dulot ng droga…at sa buong bansa! Dapat sa Commission on Human Rights dinala ni de Lima si Matobato….hindi sa Senado. Nasabugan tuloy uli si de Lima sa mukha ng sarili niyang bomba!

 

Ngayong may kaso si de Lima tungkol sa drug transactions sa loob ng Bilibid at kung kaylan umiinit dahil lahat ng mga ebidensiya ay nagtuturo sa kanya, ay saka inilabas ang witness na si Matobato, kaya malinaw ang layuning sapawan ang kaso sa Bilibid drugs na nagsasangkot sa kanya (de Lima)….na ang tinutumbok ay ang paggamit daw ng perang galing sa Bilibid para sa kampanya niya noong nakaraang eleksiyon.

 

Ang maging desperado nga naman!

 

 

Ang Kaso ng Pilipinang Drug Mule na Nasentensiyahan sa Indonesia

Posted by

0

ANG KASO NG PILIPINANG DRUG MULE

NA NASENTENSIYAHAN SA INDONESIA

Ni Apolinario Villalobos

 

Nagpakita ng interes ang Indonesia na gayahin ang sistema ng Pilipinas sa pagsugpo sa droga, kasama na rito ang “legal process”. Kaya kung aabsuweltuhin si Veloso sa kaso niya bilang drug mule dahil lang nakiusap ang pangulo ng Pilipinas kahit pa mayroon nang conviction, mukha yatang walang “consistency” sa pagsugpo sa bisyong ito sa Pilipinas. Kung napatunayang may “kasalanan” si Veloso batay sa batas ng Indonesia, dapat lang na hindi hahadlangan bilang respeto. Ang mahalaga ay nalaman ng presidente ng Indonesia na nakiusap pa rin ang presidente ng Pilipinas na i-absuwelto si Veloso sa pamamagitan man lang ng presidential clemency.

 

Ang malaking katanungan ngayon ay kung ano na ang nangyari sa mga taong naging dahilan ng pagkasadlak ni Veloso sa kulungan sa Indonesia…ang mga recruiter niya. Dapat ito rin ang pagtuunan ng pansin ng mga taong gustong maabsuwelto si Maryjane, tulad ng Gabriela. Dapat noon pa lang ay kumilos na ang grupong ito na ipaglaban ang pagka-inosente ni Maryjane, sa pamamagitan ng paghantad ng mga taong talagang may kasalanan sa korte ng Indonesia. Ang kasong ito na usad-pagong ang pagdinig ay nasa korte pa ng Pilipinas at kaya noon hindi natuloy ang pag-execute kay Veloso ay dahil witness siya laban sa mga recruiters na may kinalaman sa international drug trafficking. Ang kasong ito ay nagsimula noong panahon pa rin ni de Lima bilang DOJ secretary. Kung pinabilis lang ang pagpausad ng kaso, malamang ay hindi nasintensiyahan ng kamatayan si Veloso sa Indonesia.