Mga Taong May Mala-Hayop na Ugali

MGA  TAONG MAY MALA-HAYOP NA UGALI

Ni Apolinario Villalobos

 

Ang tao ay isang uri ng hayop subalit may mataas na antas ng kaalaman, gawi, at ugali. Maliban sa mga may kapansanan sa paa, nakakalakad ito ng tiyeso o diretso ang katawan. Nakakapagsalita din siya sa halip na umungol o paggawa ng iba pang tunog. Higit sa lahat, ang malaki niyang utak ay nagbubunsod sa kanya upang makagawa ng mga desisyon mabuti man o masama.

 

Sa pag-usad ng panahon, ang tao ay nakitaan ng mga ugaling likas lamang sa mga hayop na may mababang uri. At, hindi lang simpleng mga ugali kundi maituturing na mala-halimaw! Ang mga ito ay lumulutang dahil sa pagkagahaman na umaabot sa panlalamang ng kapwa na pagpapakita ng pagiging makasarili.

 

Nandiyan ang mga makikita sa pamahalaang akala mo ay mga buwaya dahil sa ugaling gustong habhabin lahat ng magustuhan lalo na ang pera sa kaban ng bayan. Biro tuloy ng ibang magulang sa mga anak, hindi na raw kailangan pang pumunta sa Mindanao at Palawan dahil sa mga bulwagan lang ng mga mambabatas ay makakakita na nito.

 

Mayroon ding akala mo ay mga aso dahil sa kanilang matamis na ngiting aakalain mong inosente subalit may itinatago palang masamang balakin. May pakawag-kawag pa ng buntot! Para ring mga asong humihimod sa paa ng mga inaakala nilang makakatulong sa kanila upang makaangat sa lahat ng paraan.

 

Hindi rin maiiwasang makakakita ng mga hunyango lalo na sa larangan ng pulitika dahil sa ugali nilang pagpalit ng kulay upang umayon sa kulay ng nanalong presidente. Bentaha ito sa nanalong presidente dahil makukuha niya agad ang majority sa mga kapulungang may kinalaman sa pagbalangkas ng batas. Subalit ang masama lang ay malinaw ang masamang balak ng mga pulitikong ito na masigurong matatag ang pagkakapit nila sa kapangyarihan, at kasama na diyan ang pagpapayaman.

 

May mga taong  ang ugali ay animo sa ulupong….mga traidor. Sila yong hangga’t may mapapakinabangan sa isang kaibigan, bff sila, pero kumukuha lang pala ng tiyempo kung paanong malansi o maloko at mauto ang kaibigan kuno….traidor nga! Nangyari kay Eba ang maakit ng ulupong sa hardin ng Eden, at inakit naman ni Eba si Adan kaya pareho silang gumawa ng kasalanan….ayon sa alamat na nakasaad sa Bibliya. Ganyan ang nangyayari sa kalakalan ng droga…kanya-kanyang traiduran kapang nako-corner na!

 

Ang nakakatuwa ay ang animo mga pusang nalilibugan sa panahon ng kanilang pag-iinit, lalo pa kung kabilugan ng buwan. Kung walang makitang makukubabawan, ngiyaw ng ngiyaw na parang nawawalan ng katinuan ang pag-iisip. Ito ang mga pulitiko na nagmamarunong kaya talak ng talak pero out-of-tune naman dahil sa kagustuhang mapansin lang. Sila ang mga ibinoto ng mga tao dahil sa adbokasiya na wala palang binatbat kaya huli na kahit pa magsisi ang bumoto sa kanila!

 

Hindi dapat kalimutan ang mga animo ay toro….basta na lang nanunuwag dahil gusto yatang magpakita ng tapang pero ampaw naman ang laman ng ulo kung saan nakakabit ang mga sungay. Mayroon nito sa senado ng Pilipinas.

 

Mayroon pang mga animo langaw ang pag-uugali. Dumadagsa sila kung saan ay may pagkain, bulok man o sariwa. Kumpul-kumpol sila sa pagdasa sa mga opisyal o mayayaman upang makinabang ng impluwensiya o pera ng mga ito. Mga mayayabang at ambisyoso din ang mga ito na tumugma sa kasabihan sa Pilipino na….”akala mo ay langaw na nakatuntong sa kalabaw”. Ibig sabihin, nang makatuntong sa likod ng kalabaw ay pilit na hinihigitan pa nila ang nagbigay sa kanila ng “kataasan” o likod na tuntungan!

 

Higit sa lahat ay ang mga linta na ang ginagawa ay sumipsip ng dugo upang mabuhay. Iba naman ang taong nakikitaan ng ganitong ugali dahil ang sinisipsip ay buhay ng mamamayang nagtiwala sa kanila. Marami ang may ganyang ugali na nagpundar ng pera upang mahalal sa puwesto. Sila ang mga linta ng lipunan at bayan!

 

 

 

 

Ang Pulitika ay naging Salot na Sumisira ng Lipunan

ANG PULITIKA AY NAGING SALOT NA SUMISIRA NG LIPUNAN

Ni Apolinario Villalobos

 

Sa lipunang may demokrasya at pinapatakbo ng sistema na pinili ng mga mamamayan ay kailangang magkaroon ng tinatawag na “fiscalizer” o tagapuna ng mga maling ginagawa ng mga nakaupo sa puwesto. Maganda sana ang ganitong sistema upang mabalanse ang mga pangyayari sa isang bansa. Ang karamihan sa mga “fiscalizer” ay  mga talunan sa eleksiyon kaya bumabatikos sa mga ginagawa ng mga nanalo. At, ang iba naman ay mga may adbokasiyang bumatikos sa mga maling gawain sa iba’t ibang larangan. Maganda sana ang layunin subalit ang “fiscalizing” ay inabuso nang makulapulan ng maruming pulitika dahil ginagamit ng mga talunan upang gumanti sa mga nanalo.

 

Ang demokrasya at eleksiyon ay kinonsepto ng mga pantas noong unang panahon at may magandang layunin para sa mga mamamayan. Ginamit ito ng maraming bansa, subalit ngayon, ito ay pinaitim at pinalapot ng korapsyon. Sa halip na makatulong sa isang bansa, ang pulitika na sana ay isang demokratikong paraan ay naging salot na ng lipunan. Ginamit na itong tuntungan at instrumento ng mga may tiwaling iniisip pag-upo nila sa puwesto, na nakasentro sa pagpapatagal ng kapit sa kapangyarihan at pagpapayaman sa anumang paraan.

 

Sa kasamaang palad, pati ang pinakamababang baytang ng sistemang pulitikal ng isang bansang tulad ng Pilipinas, ay naging korap na rin, sa diretsahang pagsabi. Ang tinutukoy ko rito ay ang barangay, munisipyo, at lunsod. Nakakalungkot dahil sa halip na magtulungan ang magkakapitbahay na gustong mamuno, sila ay nagsisiraan at nagpapatayan pa!…nagbabatuhan ng putik! Magmumukha akong tanga at ipokrito kung sasabihin kong walang perang kikitain sa mga puwestong pinaglalabanan. Pinagpupundaran ng pera ang pagtakbo na dapat ding mabawi sa anumang paraan kapag nanalo….ganoon lang. Ang hirap lang sa iba ay naging sobra ang pagnanasa. Okey na sana kung “sapat lang” ang hinahangad, subalit lumalampas sila sa hangganan na itinakda upang hindi umabot sa pagkagarapal. Tanggap na rin naman na hindi talaga nawawala ang kumisyunan sa gobyerno….kaya dapat sana ay hinay-hinay lang sila upang hindi masyadong obvious.

 

Sa ganang ito, ang ibang nag-aambisyon nang patago o tahimik lang….yong pangiti-ngiti na animo ay inosente at mabait ay sa loob pala ang kulo. Tulad ng isang tao na ikinuwento ng isa kong kaibigan. Ito raw ay aktibo sa simbahan, maka-Diyos wika nga. Subalit nang alukin upang tumakbo sa isang puwesto ay hindi magkandaugaga at tila nawawala sa sarili sa pagpapapel “loud speaker” sa pagpakalat ng paninira sa magiging kalaban sa eleksiyon. Nakalimutan niyang siya ay isang “taong simbahan” kaya inaasahang “maka-Diyos” ang pagkilos niya at pananalita. Nakakalungkot, dahil sa ambisyong makapasok sa pulitika ay nawala sa sarili ang taong ikinuwento ng kaibigan ko, ganoong wala naman daw itong napatunayan bilang lider. Hindi rin daw naisip ng taong ito na ang ikinakalat niyang paninira ay hindi niya personal na napatunayan kaya pwede siyang mademanda ng sinisiraan. At, hindi rin niya naisip na dapat ay pairalin niya ang delikadesa sa pamamagitan ng pag-resign sa maka-Diyos niyang responsibilidad….subalit hindi niya ginawa. Saan napunta ang itinuro sa kanya noong maliit pa siya na ang Diyos ay nakakakita ng lahat…kasama na diyan ang ginagawa niya?

 

Dapat isipin ng taong ito na kung hindi naman niya kilala ang taong sinisiraan ay para lang siyang itinutulak tungo sa kumunoy ng intriga na hindi na niya matatakasan. At, higit sa lahat, paano kung gantihan rin siya ng mga nagmamalasakit sa taong sinisiraan niya dahil sa “Golden Rule” na nagsasabing “huwag mong gawin sa iba ang ayaw mong gawin nila sa iyo”? Baka ang mga huling araw niya sa mundo na dapat sana ay mapayapa dahil sa tinatawag na “retirement” ay magiging masalimuot!

 

Mali ang diskarte ng taong ikinuwento ng kaibigan ko dahil dapat ay ipinilit niya ang pagkamaka-Diyos niya upang makatulong sa grupong sasamahan niya. Sana ay pinanaig niya ang kanyang adbokasiya na maka-Diyos (nga ba?) at hindi nataranta dahil sa ambisyong makapasok sa pulitika. Sana ay pinayuhan niya ang kanyang grupo na iwasan ang paninira sa mga makakalaban nila. Subalit kung talagang nabulagan siya kaya ganoon siya kadaling “bumaligtad” ng panuntunan sa buhay, paano pa siyang pagkakatiwalaan ng mga taong hihingan niya ng boto? Magtitiwala pa ba ang mga botante sa kanya na sa kabila ng tagal na panahon niyang pagsuot ng kuwentas na may malaking krus ay biglang nanira ng ibang taong hindi naman niya kilala…dahil lang sa pulitika?

 

Kung ayaw  magbago ng diskarte ng taong ikinukuwento ng kaibigan ko dahil nuknukan daw talaga ng kayabangan ang taong ito….bahala na ang Diyos niya sa kanya! Nakakagimbal din ang desisyon niyang ipagpalit ang Diyos niya sa pulitika!….ang buhay nga naman!

 

 

Tungkol ito sa mga Taong Humahadlang Kay Duterte…

TUNGKOL ITO SA MGA TAONG HUMAHADLANG KAY PRESIDENTE DUTERTE…

 

 

DAPAT AY TUMIGIL NA ANG MGA SUMISIRA KAY DUTERTE SA PAGSABING SIYA ANG RESPONSABLE SA MGA NANGYAYARING PAGPATAY NG MGA DRUG PUSHER AT DRUG LORD….NAPATUNAYAN NA BA NILA?  DAPAT AY MATAUHAN SILA SA KASO NG MGA ESPINOSA NA NAGPAPAKITANG TALAGANG TALAMAK NA ANG DROGA SA PILIPINAS DAHIL PATI ANG MGA LGU OFFICIALS AY SANGKOT NA. HINTAYIN NILA ANG IBA PANG IBUBUNYAG! DAPAT AY MAGULAT SILA SA DAMI NG MGA LUMALANTAD UPANG UMAMING MAY KINALAMAN SILA SA PAGBEBENTA NG DROGA.

 

HINDI DAPAT PANSININ ANG SINASABI NG MGA MAPAGKUNWARI AT WALANG BINATBAT NA MGA  INTERNATIONAL NGO AT UNITED NATIONS NA NAGKOKONDENA SA MGA PAGPATAY SA MGA DRUG LORDS AT PUSHERS SA PILIPINAS. MAY MAGAGAWA BA ANG MGA ITO KUNG TULUYANG MASIRA ANG PILIPINAS DAHIL SA DROGA? ANO ANG GINAWA NG UNITED NATIONS SA PAGKAWASAK NG SISTEMA NG MGA BANSA SA SOUTH AMERICA DAHIL SA DROGA?….WALA!…HANGGANG NGANGA LANG ANG TILA INUTIL NA ORGANISASYON NA ITO NG MGA BANSA!….SA ISANG BANDA, KAHIT MAY DESISYON ITO SA ISYU NG WEST PHILIPPINE SEA, MAY KAPANGYARIHAN BA SILA UPANG PUMIGIL SA MGA GINAGAWA NG TSINA?….WALA!….WALA!

 

ANG HIRAP SA MGA BANTAD NA ITO AY ONE-SIDED ANG MGA PANANAW NA NAKABATAY SA “BUHAY” KUNO….YON LANG. ANG MGA YUDIPUTANG DRUG PERSONALITIES LANG BA ANG MAY KARAPATANG MABUHAY? PAANO ANG MGA SINIRA NILANG BUHAY? IILAN LANG SILA KUNG IKUMPARA SA MILYON-MILYONG BUHAY AT PAMILYANG SINIRA NILA!….AT ANG HALOS WALANG PAKINABANG NA UNITED NATIONS…ANO ANG MGA NAGAWA SA MGA KAGULUHAN SA AFRICA?…SA EUROPE?…SA KAGUTUMAN NA KUMAKALAT SA BUONG MUNDO?…WALA!

 

MAY PROSESO SA PAGLITIS NG NAGKASALA SA PILIPINAS, PERO ITO BA AY PINAPATUPAD NG MGA BAYARANG OPISYAL? NGAYONG PUMUTOK ANG KASO NG MGA ESPINOSA, ANO ANG MASASABI NG MGA MAYAYABANG NA NGIYAW LANG NG NGIYAW NA PARANG MGA ULOL NA PUSANG NALILIBUGAN PERO WALANG MAKITANG MAKUBABAWAN!

 

MAY MGA NGO SA LABAS NG BANSA NA NAG-UUDYOK SA MGA PILIPINONG MAG-AKLAS LABAN SA MGA KARAHASAN NA ANG ITINUTURONG PROMOTOR AY ANG BAGONG PRESIDENTE….MAY KATUNAYAN BA SILA? GUSTO LANG YATA NILANG MAGING POPULAR TULAD NG IBANG MGA HANGAG AT UGOK NA MGA PILIPINONG WALA PALAGI SA TONO KUNG MAGSALITA!

 

ANG MGA PILIPINO NAMANG MAIINGAY UPANG MAPANSIN LANG KAYA NAKIKISAKAY SA ISYU NG DROGA, DAPAT AY TUMULONG NA LANG SA PAGGAWA NG PARAAN UPANG MAGKAROON NG MARAMING REHABILITATION CENTERS SA BUONG PILIPINAS DAHIL MARAMI PALA ANG MGA DURUGISTA NA GUSTO NANG MAGBAGO KAYA DAPAT TULUNGAN. ITO ANG DAPAT GAWIN NG MGA NAGPUPUTAK UPANG MAKAKUHA NG MEDIA MILEAGE!

MASAMA ANG MAGHAMBING SUBALIT HINDI MAIIWASANG UMABOT SA GANITO UPANG MAKAPAGPALIWANAG NA MABUTI. KAYA ANG MGA TANONG KO: ANG PURSIGIDONG GINAGAWA NI DUTERTE NA PAGLABAN SA PAGKALAT NG DROGA SA BANSA, GINAWA BA NG MGA NAKARAANG PRESIDENTE?….HINDI! ANG HANTARANG GALIT NA IPINAKITA NI DUTERTE SA MGA NPA AT ABU SAYYAF NA UMABOT SA SUKDULANG PAGMUMURA NIYA, GINAWA BA NG MGA NAKARAANG PRESIDENTE?…HINDI! SA TAGAL NG PAGKAUPO NG MGA NAKARAANG PRESIDENTE, MAY NAGLAKAS NG LOOB BA SA KANILA NA SUMUWAG SA MGA DRUG LORDS NA ALAM NAMAN NILA KUNG NASAAN?…WALA! BAKIT NGAYONG MAY GINAGAWA SI DUTERTE AY PUMAPALAG ANG MGA TAMBALUSLOS AT ISIP-TUNGAW NA MGA PILIPINO KUNO SA PAGSABING “MASAMA ANG PUMATAY”? SINO ANG MGA NAGPAPAINGAY SA KANILA? AT, MAS GUSTO PA YATA NILANG MANATILING “BUHAY” ANG MGA TAONG NAGDUDULOT NG SALOT SA LIPUNAN!

 

HIGIT SA LAHAT, ANG LAKAS NG LOOB NA UDYUKAN NG MGA HANGAG NA MGA ITO UPANG MAGREKLAMO ANG MGA PILIPINO  NA KUNG ILANG DEKADA NANG NAGTIIS SA PAGLIPANA NG MGA BISYO AT KRIMINALIDAD!  NGAYONG MAY NAKIKITANG MAGANDANG RESULTA ANG GINAGAWA NI DUTERTE, HINDI TANGA ANG MGA “TUNAY” NA MGA PILIPINO PARA BUMITAW SA PAGSUPORTA…..

 

YONG MGA TAGA-IBANG BANSA NAMAN, MASDAN MUNA NILA ANG KANILANG PALIGID NA NADADAWAGAN NA RIN NG IBA’T IBANG BISYO AT KRIMINALIDAD BAGO NILA PUNAHIN ANG NANGYAYARI SA PILIPINAS….MAGWALIS MUNA SILA SA KANILANG BAKURAN BAGO TUMINGIN SA BAKURAN NG KAPITBAHAY NILA……INGGIT LANG SILA!….SILA ANG MGA PESTE NG MUNDO!!!!!

Ang “Perpetual Mother” ng Southern Mindanao

ANG “PERPETUAL MOTHER” NG SOUTHERN MINDANAO

Ni Apolinario Villalobos

 

Kung ang mga deboto ng Mahal na Birhen ay mayroong “Our Lady of Perpetual Help”, sa southern Mindanao ay mayroon namang “Perpetual Mother”. Isa siyang ordinaryong babae subalit may busilak na puso, matulungin hindi lang sa mga ka-pamilya kundi maski sa ibang tao. Sa halip na makibarkada sa iba ay sa mga pari siya nakikipagtulungan para sa mga proyekto nila, lalo na sa “feeding program”.

 

Panganay siya sa kanilang magkakapatid kaya nang mamatay ang kanilang tatay, siya na ang umalalay sa kanilang nanay upang mangasiwa sa mga kapakanan ng kanyang mga kapatid. Mula noong siya ay estudyante pa, hindi niya nadanasan ang mga ini-enjoy ng mga kabataan ngayon. Nang makapag-asawa ay minalas naman naman magkasakit ito kaya nadagdag sa kanyang mga pasanin na hindi naman niya iniinda. Kahit may pamilya pa siya ay hindi tumigil ang pagtulong niya sa kanyang nanay at mga kapatid.

 

Ngayong maysakit na ang kanilang nanay, gumawa siya ng iskedyul nila kung paano sila makapag-ambag ng panahon sa pagbantay. Sa gabi, kasama ang isa niyang anak ay sila ang nagbabantay pero hapon pa lan ay sinisiguro na niyang malinis ang nanay nila bago magpahinga. Kinabukasan ay pinapalitan siya ng kapatid na kasama naman ang anak nito. Kung panahon ng check up o emergency na pagtakbo sa ospital, lahat sila ay kumikilos. Maganda rin ang nangyari dahil sa pang-unawa ng mga asawa ng kanyang mga kapatid, pati ang asawa niya, sa kanilang ginagawa para sa nanay nila.

 

Hindi bumibili ng damit sa mall o department store ang “Perpetual Mother” na tinutukoy ko pati ang kanyang mga kapatid. Ang mga damit nila ay sa ukayan nabili. May maliit silang negosyo na pinagtutulungan nilang asikasuhin at lahat sila ay may suweldo kahit sila ang may-ari. Ang suweldo ng bunsong kapatid ay naitutulong din niya sa kanyang mga pamangkin na umabot yata sa sampu. Wala naman itong reklamo dahil masaya siya sa kanyang ginagawa.

 

Nang huli kaming mag-usap ay nabanggit ng “Perpetual Mother” na nag-iipon rin pala siya para maipantulong sa mga proyekto ng mga kaibigan niyang pari. Ang iniipon niya ay galing sa kanyang suweldo bilang “empleyado” ng kanilang negosyo. Nalaman ko rin na silang magkapatid ay walang luho sa lahat ng bagay kahit sa pagkain dahil sanay sila sa gulay. Kadalasan, ang tira sa almusal ay siya rin nilang pagkain sa tanghalian at kung suwertehin ay umaabot pa sa hapunan. Hindi pagtitipid ang ginagawa nila kundi talagang “lifestyle” na nila na binabatay sa kaya lang ng kanilang kinikita bilang mga suwelduhang empleyado ng kanilang negosyo.

 

Walang luho sa katawan ang tinutukoy ko maliban sa pagpapalinis ng mga kuko. Hindi rin siya nagmi-make up at walang alahas. Para sa kanya, sa halip na gastusin ang kinikita sa mga bagay na nabanggit ay nilalaan na lang niya sa mga kabataang tinutulungan ng mga pari. Ayon sa kanya, ang luho ay panandalian lamang at ang yaman ay hindi madadala pagdating ng araw na ang isang tao ay bibiyahe tungo sa kabilang buhay.

Ang Droga ay parang Bakukang

ANG DROGA AY PARANG BAKUKANG

Ni Apolinario Villalobos

 

 

MISMONG MGA NAKAKAKILALA SA MGA NAPAPATAY NA SILA AY MGA DRUG PERSONALITIES AT ANG IBA AY MGA PAMILYA PA MISMO ANG NAGPAPATUNAY. BAKIT NAGREREKLAMO ANG MGA KABATAAN DAHIL SA PAGKAWALA NG MGA SALOT NA ITO SA IBABAW NG MUNDO?….CONCERNED BA SILA DAHIL GUMAGAMIT DIN SILA NG DROGA AT DAHIL NAWAWALA ANG MGA “RUNNERS” AY NAGMAHALAN ANG DROGA KAYA HINDI NA NILA KAYANG BUMILI?….NAKAPAGTATAKA LANG DAHIL ANG GINAGAWA NG GOBYERNO AY PARA SA KANILANG KAPAKANAN BILANG PAG-ASA NG BAYAN.

 

ANG DROGA AY  BAKUKANG NA DAPAT PIGILAN ANG PAGLAKI AT TULUYANG PAG-ALINGASAW NG NAKAKASULASOK NITONG AMOY. ANG GAMOT SA ANUMANG SAKIT AY NAGDUDULOT NG HAPDI AT MAPAIT DIN SUBALIT KAILANGANG TIISIN UPANG GUMALING ANG SAKIT. GANYAN ANG NANGYAYARI SA PILIPINAS….MAHAPDI AT MAPAIT ANG “GAMOT” SA SUGAT NA NILIKHA NG DROGA…DAPAT TIISIN BAGO LUMALA ANG SALOT NA NILIKHA NITO SA BUONG BANSA!

 

 

Irrelevant ang ROTC pero dapat ay Maayos ang Ipapalit

IRRELEVANT ANG ROTC

PERO DAPAT AY MAAYOS ANG IPAPALIT

Ni Apolinario Villalobos

 

Hindi na angkop ang Reserved Officers Training Corps (ROTC) sa kasalukuyang panahon. Itinatag ito noon upang panggalingan sana ng mga sundalong magtatanggol sa bansa sa panahon ng digmaan. Sa makabagong digmaan, hindi na gaanong gumagamit ng mga sundalo o tao, sa halip ay makabagong sandata, lalo na ng iba’t ibang uri ng bomba. Kung makipagdigma ang Pilipinas sa Tsina halimbawa, dalawa lang o tatlong missile, erase na sa mapa ang bansa.

 

Inabuso rin ang ROTC ng mga nagpapatupad dito na mga military o police officers na suwelduhan ng mga eskwelahan. Ipinilit nilang gawin ng mga estudyante ang pinapagawa sa mga nire-recruit na sundalo at pulis tulad ng “hazing” kaya namutiktik ang media noon ng mga kuwento tungkol sa mga estudyanteng namatay dahil sa “hazing”. Ang isa pang uri ng pag-abuso ay ang overpricing ng mga uniporme kaya nadagdag sa pasanin ng mga magulang, kaya malinaw na naging isang uri ng corruption ng kung sino mang staff ng eskwelahang nagpapatupad sa pakikipagkutsabahan sa mga training officers na taga-labas.

 

Okey ang Community Service na pangpalit sa ROTC subalit dapat ay ayusin ang programang ito upang hindi limitado sa paglilinis lang ng kapaligiran. Dapat gawing kapani-paniwala ang programang ito upang hindi lumabas na parang “picnic” o “outing” ng mga estudyante dahil sa suot nilang puting t-shirt at tight-fitting na pantaloon…kuntodo make up pa ang mga feeling pretty. Paano silang makakapaglinis ng maayos kapag ganoon ang ayos nila? Dapat ay working attire ang ipasuot sa kanila.

 

Ilang grupo na ang nakita ko na nagko-Community Service kuno pero “sabog” sila…hindi alam ang gagawin, lalo pa at kung minsan ay hindi coordinated sa barangay ang kanilang activities. Nagpapalusutan pa sa pagpirma ng accomplishment report dahil maski walang masyadong nagawa ang mga estudyante ay napipirmahan ang kanilang report na pangsumite sa eskwela. May mga nakita ako na humawak nga ng walis ay bilang prop lang para sa selfie. Gusto kong linawin na HINDI LAHAT ng nagko-Community Service ay ganito ang ginagawa. Mayroon din namang seryoso sa kanilang ginagawa.

 

Kung seryoso sa pag-Community Service ang mga eskwelahan bilang pangpalit sa ROTC, ang suggestion ko ay mag-adopt sila (eskwelahan) ng plaza, ilog, Day Care Center, chapel, depressed community, orphanage, new Christian church, at paalagaan ang napili sa mga estudyante sa anumang paraang kaya nila. Gumastos man ang mga estudyante ng boluntaryo ay may kabuluhan. Pwede silang mag-solicit ng mga damit, bibliya, gamit-eskwela at iba pa para sa mga depressed areas na inampon nila; magpaganda ng kapilya; magturo ng pagbasa at pagsulat sa mga bata at matatanda; magtanim ng mga halaman sa plaza, etc. Sa mga nabanggit na paraan ay kitang-kita ang kanilang accomplishment at pwede pang mag-seremonyas tuwing matapos ang semester. Dapat i-maintain ng mga eskwelahan ang adoption hangga’t nag-ooperate sila upang lumabas na isa ito sa mga community outreach programs nila. Ang mga project ay pwede pang gamiting model sa mga kursong may subjects na Social Work, Psychology, etc. na itinuturo sa mga estudyante nila.

 

Kung paghahanda upang maging makabuluhang mamamayan ang mga estudyante, ang pagko-Community Service ay isang magandang pagkakataon at paraan….. hindi ang pagsusuot ng military  fatigue at mabigat na bota.

 

Ang pakikipagdigma natin ngayon ay laban sa droga, masamang ugali, korapsyon sa gobyerno, mga tiwaling opisyal, kagutuman, kamangmangan, at hindi laban sa kung anumang bansa, kaya ang kailangan ay linangin o paghandain ang mga kabataan upang magkaroon ng matatag na  pagkatao at malinis na diwa…..diyan masusukat ang kanilang pagka-Pilipino pagdating ng panahon.