Ang Pagka-desperado ng mga Tauhan ni Pnoy Aquino

Ang Pagka-desperado ng mga Tauhan

Ni Pnoy Aquino

Ni Apolinario Villalobos

 

Lahat na lang ng mga tauhan ni Pnoy Aquino sa kanyang administrasyon ay nagpapakita ng desperasyon sa pagtanggol sa kanya. Silang mga kalihim ng mga ahensiya ay wala nang sinabing tugma sa mga totoong nangyayari sa bansa. Ang pinakahuling nagsalita ay ang kalihim ng Department of Justice na si Emmanuel Caparas na pumalit kay de Lima. Sabihin ba namang ang pinakabagong insidente ng “tanim-bala” sa NAIA ay ginagamit daw ng oposisyon o mga kalaban ng administrasyon upang siraan si Pnoy Aquino.

 

Gusto yatang magpatawa ni Caparas….dahil, kahit walang pulitikong kalaban ng administrasyon ang magsalita, maliwanag pa sa sikat ng araw sa katanghalian ang nangyari dahil malinaw ang mga mga sinabi ng mga nabiktima, na hindi naman inunawa ng mga taga-airport! Ano na ba ang ginawa ng Department of Justice sa mga nakaraang mga kaso ng “tanim-bala”?…WALA! Ang palusot ay nasa korte na daw, pero halos nalibing na yata sa kalimot dahil walang narinig na mga sangkot sa airport na nakulong, kundi nasuspinde lamang.

 

Ni wala ring inisyung kautusan si Pnoy upang “mahilot” upang “lumambot” kahit papaano ang pa-gagong pag-interpret sa batas tungkol sa carriage of ammunition, na dapat ay noon pa niya ginawa nang pumutok nang sunud-sunod ang eskandalong ito na nagpapangit sa imahe ng bansa sa international community. Paanong maging “deadly ammunition” ang bala kung walang pipitik na gatilyo ng baril? Kung iisang bala lang naman ang binitbit ng tangang pasahero na nag-akalang anting-anting ito, bakit hindi na lang kumpiskahin, i-log at papirmahan sa nakumpiskahan ang report.  Bakit hindi na lang ihanay ang nag-iisang bala sa ibang bawal bitbitin sa loob ng eroplano tulad ng lighter, butane cartridge, kutsilyo, gunting at iba pang talagang nakamamatay? Nakakatawa ring pati packing tape ay bawal ding bitbitin kaya sa isang araw ay mapupuno ang isang kahon ng mga tirang tape na dala ng mga pasaherong nagbaon upang pangsara sa mga bagahe nila bago pumasok sa pre-departure area, pagpapakita ng kawalan nila ng tiwala sa mga taga-airport. Mismong ang hepe ng PAO ay nagpakita ng pagkadismaya sa ginagawang ito ng mga taga-airport.

 

Sa kaso ng matandang mag-asawa na nakumpiskahan ng nag-iisang bala, sa kabila ng malinaw na kawalan nila ng intensiyong manakit ng ibang pasahero ay pinigil pa rin sila at diniretso sa isang piskal upang kasuhan!….bakit ganoon kabilis? Hindi pa ba sapat ang mga deklarasyon nila na malinaw namang may katapatan? Kung ginamit ng mga taga-airport ang maayos nilang “prerogative” ay maaaring nakasakay ang mag-asawa. PERO, ANG MALINAW AY GINAWA ANG PANGGIPIT SA PINAKAHULING X-RAY CHECK NG MGA BAGAHE BAGO SUMAKAY NG EROPLANO PARA TALAGANG MAIPIT ANG PASAHERO UPANG MAPILITANG KUMAGAT SA KOTONG O MAGLAGAY NG HINIHINGING PHP50,000! MALINAW DIN NA TALAGANG “PINAG-ISIPANG MABUTI” ANG RAKET NA ITO!

 

Walang ginagawa ang administrasyon ni Aquino sa mga kapalpakan sa mga terminal ng airport sa Manila, lalo na sa terminal 1 at 3. Ang mga itinalaga naman niyang mga Manager, lalo na ang nasa terminal 1 ay bantad din sa mga pangyayari dahil para sa kanya, hanggang “coordination” lang daw siya. Ang pinakahuling balita, sira daw ang escalator papunta sa lounge ng terminal 3. Ang escalator naman ng terminal 2 ay madalas ding masira. At ang nakakatawa ay ang kawalan ng “escalator pababa” sa terminal 2, at nag-iisa lang ang palyadong mechanical na hagdanang ito, na nasa Domestic wing ng terminal. Kung masira ang nag-iisang escalator, ang mga PWD, matatanda at buntis ay kailangang mag-elevator papunta sa ticket office o sa pre-departure area…kung gumagana ito, dahil kung sira din ay mapipilitan silang gumamit ng hagdanan. At, ang “cute” na elevator ay para lang sa iilang tao…malinaw na hindi angkop sa isang pasilidad tulad ng international airport!

 

Maski sinong Pilipinong madalas sumakay ng eroplano ay alam ang mala-impiyernong kalagayan sa mga airport terminal ng Maynila kaya dapat mag-ingat sa pagsabi ang mga tauhan ni Pnoy Aquino na maayos na ang mga ito. Huwag nilang gaguhin ang mga mananakay ng eroplano.

 

Sa malas, ang mga pinagtatalaga ni Pnoy sa mga nabakanteng ahensiya ang dumidiin sa kanya upang lalo siyang lumubog, dahil sa mga binibitiwan nilang hindi pinag-isipang mga salita. Mali yata ang mga nangyayari dahil dapat sana, habang palapit  na ang pagsara ng administrayon ni Pnoy ay puro magaganda at maaayos ang nakikita ng mga Pilipino, sa kasamaang palad ay puro kapalpakan!

 

2 thoughts on “Ang Pagka-desperado ng mga Tauhan ni Pnoy Aquino

  1. Dapat nga pagbutihan ni Pinoy ang paglilinis ng gobyerno, regardless of effects on the “powerful opposition.” Wala nang mawawala sa kaniya dahil paalis na siya sa presidential office.

    Sent from my iPad

    >

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s