Kristel….para kay Kristel Tejada

Ito ang isang halimbawa ng kawalan ng katotohanan sa mga pinagsasabi ng gobyerno na walang problema ang mga Pilipino pagdating sa edukasyon….

 

 

Kristel

(For Kristel Tejada)

 

By Apolinario Villalobos

 

Isang batang may payak na pangarap

Na parang bulang nawala sa isang iglap

Piniling wakasan ang mahalagang buhay

Hindi niya nakayanan ang bigat ng lumbay.

 

Sa YUPI* nag-aral SANA bilang iskolar

Kaya sa murang gulang, sipag ay pinairal

Subali’t iba kung humagupit ang kahirapan

Taglay na talino, di pinahalagahan ng paaralan.

 

Kung ituring siya ay iskolar dapat ng bayan

Subali’t ni minsan, ito’y di niya naramdaman

Sa murang gulang, laging nagtatanong, may luha

“Makapag-aral lang, bakit kailangan pang magdusa”?

 

Mga magulang, sa kanila’y di nagkulang ni minsan –

Sa kanilang magkakapatid, na nakitaan ng katalinuhan

Ang amang paminsan-minsan may naipapasadang taksi

Palaging dasal na sana malakas ang kita, may perang maiuwi.

 

Binayarang pagka-iskolar sa kabila ng kanilang kahirapan

Obligasyong ni sa hinagap ng magulang ay di tatakbuhan

Subali’t sa napakaliit na dahilang naantala ang pagbayad nila

May pinagawa pang “letter of repentance”, wala ring halaga!

 

Bakit ang isang Kristel, kailangan pang sa mundo’y mawala

Maipakita lang na nangingibabaw sa mundo, pagkagahaman sa pera?

Nasaan ang puso, pang-unawa, at damdamin ng mga taong iniluklok?

Na sana’y makakaagapay, o talaga kayang sagad sa buto na ang pagkahayok?

 

*University of the Philippines-Manila.

 

(Nayanig ang Pilipinas sa balitang may isang batang nagpatiwakal gamit ang lasong panlinis ng pilak. Hindi daw makapagpatuloy ng pag-aaral dahil walang pambayad sa matrikula. May mga nagsisi sa mga magulang na nagpabaya, may mga nagsabi na mababaw na dahilan ang pagpapakamatay. Sa banding huli, nalaman na may pambayad naman pala, nguni’t naantala lamang, subali’t hindi tinanggap ng paaralan. May nagsabi pa na nanikluhod ang ina sa Chancellor ng paaralan subalit wala ring nangyari, pati na ang pagpapasulat ng “letter of repentance” (na ewan kung ano ito, bakit hindi na lang promissory note kasi). Sa isang batang may pangarap sa buhay at alam niyang kaya niyang abutin ito dahil sa paniniwala sa taglay niyang talino, ang sama ng loob ay hindi niya kayang isigaw. Sa murang edad, siya ay hindi pa nalalantad sa masalimuot na buhay sa mundo – na kailangang maging palaban at matapang ng isang tao upang malampasan ang mga pagsubok. Sa malumanay na pananalita ng ina, mararamdaman ang kababaan niya ng loob na maaring ginamit niya sa paghubog sa kanilang mga anak, kasama na si Kristel.)

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s