Mga Papuri at Pangako sa Philippine Politics

Mga Papuri at Pangako sa Philippine Politics

Ni Apolinario Villalobos

 

Pinuri ni Presidente Pnoy si Secretary Alcala ng Department of Agriculture (DA). Marami tuloy ang umismid at nagtanong.  Bakit kailangan niyang gawin ang pagpuri gayong may ginagawa pang mga pag-iimbestiga ng mga kaso na may kinalaman sa pagwaldas ng pondo ng bayan at nakadikit sa nasabing ahensiya? Ipinagdiinan pa ng presidente na dahil kay  Secretary Alcala, na-stablize ang mga presyo ng bigas sa merkado. Sino kayang pinagsasabihan niya? Mga taga-ibang bansa? Ginagawa niyang tanga ang taong bayan dahil maski saang palengke ka maglibot, halos lahat ng presyo ay walang mababa sa 42pesos. Mayroong tag 37pesos ngunit kailangang magpapalipat-lipat ka sa mga palengke sa paghanap nito. May dalawang klaseng  NFA rice na mababa sa 30pesos ang mga presyo pero, dapat tag-isang kilo lang bawa’t isang klase ang pwedeng bilhin, na hindi sapat sa maghapong saingan kung malaki ang pamilya.  At ang matindi, tanghali pa lang ubos na.  Sino kaya ang nagbibigay ng maling impormasyon sa pangulo? Nagmumukha tuloy siyang katawa-tawa.

 May mga pahapyaw din siyang pinuring ahensiya na dapat abangan ang gagawing paghuli sa isang “malaking isda”. Ayan na naman siya, hindi pa nga nahuhuli, nag-broadcast na.  Walang pinag-iba ang ginawa niya sa ginagawa ng isa pang ahensiya na hindi magkandaugaga sa pagdaos ng press conference upang mag-broadcast ng mga plano nilang paghuli. Kaya pag nabulilyaso, nagtuturuan, nagtataka pa kung bakit walang nangyari, bakit nakatakas.

 Maraming mga pinupur si Presidente Pnoy, walang pinupuna dahil sa maling desisyon.  Pumutok ang pagkasira ng mga pagkaing donasyon, pinagtakpan pa ang ahensiyang namamahala dapat sa ganitong bagay, at ang itinuro ay ang mga pamahalaan lokal.  Talamak pa rin ang pagkakaroon ng blackout, abot langit pa rin ang papuri sa namumuno sa ahensiya ng enerhiya. Nagtataasan ang mga presyo ng mga pagkain, hindi lang bigas,  hindi pinupuna ang kalamyaan ng ahensiyang may kinalaman sa pagkontrol. Halatang pilit na pinagtatakpan ang mga kamalasaduhan sa kanyang gobyerno.

Kapag ang isang tao ay  nagsalita na parang nangangarap at kung minsan , pati pangalan ng Diyos ay nasasambit, siya ay guilty sa kung anong maling ginawa o di kaya ay may pinagtatakpan, kaya nag-aasal- b…a.  Wala akong tinutukoy dito…dahil marami na akong nakitang ganoon ang asal. Maraming ganyan sa gobyerno ng Pilipinas. Yong iba nga, handang tamaan ng kidlat kung mapatunayang sila ay nagsisinungaling. Pinakamaganda yong sinasabi ng iba na handang makipagkita sa mga kalaban niya sa naglalagablab na impyerno kung mapatunayang nagnakaw sila sa kaban ng bayan!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s