Sa Pagkumpas ng Maestro…tumugtog ang orchestra

Sa Pagkumpas ng Maestro

…tumugtog ang orchestra

Ni Apolinario Villalobos

 

 

Nakakaaliw, kahanga-hanga siyang tingnan

Isang maestrong may orchestra sa harapan

Isang kumpas dito at isang kumpas pa doon

Mga instrumento… isang tunog ay nagkaroon.

 

Ganyan din sa iba’t ibang mga pamahalaan

Ano mang uri sila… sosyalista o malaya man

May  isang taong kumukumpas, nang sa gayon-

Hindi magkandabuhol, mga ginawang desisyon.

 

Hindi nga lang maganda sa iba namang bayan

Kung baga sa orchestra, tunog ‘di maintindihan

Kanya-kanyang tono, hindi sumusunod sa baton

Kawawang maestro, laging tumataas ang presyon.

 

Sa ibang bayan naman, magaling ang kutsabahan

Mga musikero ay nagkakaisa at walang sapawan

Sumusunod sa  kumpas, mga senyas na may layon

Parang may gustong mangyari, lahat sumasang-ayon.

 

Kumpas ng maestro, “ikaw dito, ikaw naman, diyan”

Pahiwatig ng senyas, “puwesto ninyo, ‘wag iwanan”

“Kailangan ko kayo”, parang sinasabi ng kanyang baton

Na tinapos ng ngiti sa… “pagdating ng tamang panahon”.

                        -0-0-0-0-0-0-

 

(Marami na yatang appointments sa pamahalaan

na sa tingin ng marami ay nakakaduda na. Merong

mga kung ilang beses na ni-reject na ng Commission

on Appointment, nguni’t kapit-tuko pa rin sa puwesto.

Yong ibang ni-rekomenda ay hindi naman karapat-dapat

sa itinalagang katungkulan, kaya maraming nagtatanong

… bakit kaya?)

 

 

 

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s