Nasaan Ang Tone-toneladang Bigas?

Nasaan   ang Tone-toneladang   Bigas?

Ni  Apolinario Villalobos

 

Simple lang   ang  tanong   ng   marami: nasaan   ang tone-toneladang   bigas   na   sinasabi  ng National   Food   Authority (NFA)?  Kung  interbyuhin   ang   mga  taga-  NFA,  may  kayabangan pang sinasabi  nila  na  hindi   magkakaroon  ng   problema ang  bansa  sa  kakulangan  ng  bigas. Pero,nasaan   nga?   Dahil   ang  hindi   namalayan  ng   marami,  biglang   sumirit   ang  presyo  ng   bigas  sa  lahat   ng  pamilihan, lalo   na  sa  mga grocery  stores.  Wala nang   makitang   magandang   klaseng   commercial   rice  na  mababa   sa 40pesos  ang  presyo.  May  regular na  “NFA  rice” mura   nga   pero   inirereklamo  ng   mga   tao  dahil   durog-durog  at  may mga   malilit  na   butil   ng  bato.  

 

Nang    pumutok  ang   isyu  tungkol   sa  smuggled   rice,   ang   inasahan   ng   mga   tao ay   ang   pagbagsak    ng   presyo   nito   sa    pamilihan,  dahil   sunud-sunod  ang   pagdating   ng  mga   bigas   na   hindi   napatawan    ng    karampatang   buwis,  kaya  dapat   mura   ang   bentahan   sa    mga    pamilihan.   May    mga    pinagyayabang       ang  Bureau  of  Customs  na   nakumpiska    nila, pero   saan   ang    mga    ito?  Kung   meron  man bakit   hindi   na    ilabas at  ibenta    sa   murang   halaga   sa   mga    tao?

 

Hindi  pa   malinaw   hanggang   ngayon   kung   anong  hakbang   ang   gagawin   ng   mga   ahensiyang    may  kinalaman    sa   bigas    upang    masolusyunan   ang   roblema.   May   mga   iniimbestigahan    nga    subali’t    nang    masapawan   ng   isyung   eskandalo   ni   Vhong Navarro,     nakalimutan    na    yata    ang    pag-imbestiga  at  wala     nang   ginawa   upang   mapatawan    ng   parusa    ang    mga    sangkot   sa illegal    na    pag-angkat    ng    bigas.  Samantala,   ang    mga   Pilipino   ay   maluha-luha  habang   nakatingin   sa   mga  presyo   ng   bigas   sa   mga      pamilihan….kung    hanggang   kaylan,    siguro hanggang  ang  mga  tiwaling   opisyal   sa   pamahalaan    ay   kapit- tuko    sa   kanilang    mga    tungkulin.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s