Nagsimula sa Ngitiang Pag-ibig
(para kay Lyn at Lito Parada)
Ni Apolinario Villalobos
Kung ang iba, panliligaw ay dinadaan sa porma
Ang nangyari kay Lyn at Lito ay masasabing iba –
Parehong mahiyain, kaya sa sulyapa’y nagtiyaga
Dahil kinikimkim na damdamin nila’y di maipakita.
Panakaw pa kung sila’y magsulyapan noong araw
Animo’y walang pakialam sa isa’t isa, yan sabi daw
Kaya’t nakialam na ang may gusto ng mainit na sabaw –
Sa kasalang darating, wari ay talaga nang abot-tanaw!
Ano pa nga ba’t ang magsing-irog na napakamahiyain
Walang nagawa, sinunod ang umaalagwang damdamin
“Will you be my wife?” ask ni Lito kay shy namang si Lyn
“Sige na nga”, say ni Lyn kay Litong muntik nang himatayin!
Sa pagsapit ng panahon, pagkatapos datnan ng ilang supling
Ang magsing-irog, kay nakamasid na Lord, wala nang mahiling
Kuntento na sabuhay, both masaya tuwing umaga paggising –
Sana tularan ng iba, na maski may apo na, left and right ang fling!
(Pareho silang nagtatrabaho sa PAL. Pareho silang masipag, mabait, soft-spoken at pangiti-ngiti l ang. Kung magtampo si Lyn, ang mga mata niyang “ginaya” ni Elizabeth Oropesa ay nagiging malamlam. Kung magtampo naman si Lito, ang mga biloy niya’y lalong lumalalim dahil sa pagtitimpi.)
penpowersong 