Sana Forever Tayong Sanggol
By Apolinario Villalobos
Sana nga, forever tayong sanggol
Puso ay wagas at isipa’y malinis-
Walang bahid na dumi maski small
Ang tingin ay walang malisya
At puno ng saya ang pagtawa.
Iniluwal siya sabay ng pag-iri
Halos isigaw ng inang sa sakit
Mukhang pinawisa’y napangiwi
Parang badya na siya’y humanda
Sa mga pasakit, kanyang madarama!
Sa paglanghap ng hanging polluted
Sabay ang pag-uha na walang patid
Ingay sa paligid ay hindi niya alintana
Pinipilit na dibdib ng ina’y mahagilap –
Nang masuso’y natahimik sa isang iglap.
Walang kamuwang-muwang at inosenti
Di alam kung ano, sa kanya’y mangyayari
Ganyan ang nangyari sa mga nagsitanda na –
Sama ng loob, idinaan sa iyak, sa paghagulhol
At ang wish na sana: forever tayong sanggol!
penpowersong 